Nosp̃en nga M̃irres se Iesu Kristo nga Mak Muli 9:45 - Uripiv

⁴⁵ Ko poro b̃elam pulolim kupjilaklak, kuptai otvi; puloli p̃irres p̃elak nga kupasi van re mauren, p̃iasie nga b̃elam korti nuru nga pulolim kupan renge lat ne nejijkien, renge nabb nga sete san orongwos pivsi pini.

Nosp̃en nga M̃irres se Iesu Kristo nga Mak Muli 9:45 Mawu Ofanana

Matiu 18:8

“Ko pirpel ko, poro nga nevrem rreknga b̃elam porloli kupvitan renge nosurien som, erres ma kupta tweni nuru kupsor tweni nuru van ngasue nik. Evi nanu nga m̃irres renge nik poro kupan renge mauren tevi nevrem p̃isansan rreknga b̃elam p̃isansan, easi re poro nevrem korti nuru ko b̃elam korti nuru, ko parwirre nik van re nabb nga p̃in tuwi ngok vini.

Matiu 5:22

Ko inu ma nuwrai tevi kami vajin, Poro jinibb p̃isan pulolarsi tuwan kobbong, m̃ernen pia-sij ren re daron nga Atua puwra suri lat nga puto suri tevi jinibb nir. Ko poro jinibb p̃isan puwrai tevi tuwan, ‘Kulengleng,’ m̃ernen pia-sij ren re nosp̃en se numal nir. Ko poro jinibb p̃isan puwrai tevi tuwan, ‘Kuvi jinibb nga kumloli sagraut nanu,’ m̃ernen pia-sij ren renge nabb ne norongen nga m̃isij.

Nosp̃en nga M̃irres se Iesu Kristo nga Mak Muli 9:43

Ko poro nevrem pulolim kupjilaklak, kuptai otvi; puloli p̃irres p̃elak nga kupasi van re mauren, p̃iasie nga nevrem korti nuru nga pulolim kupan renge lat ne nejijkien, renge nabb nga sete san orongwos pivsi pini.

Nosp̃en nga M̃irres se Iesu Kristo nga Mak Muli 9:44

[Naulwij ne lat nen sete arongwos parmij ko nabb nen sete arongwos parvisi pini.]

Nosp̃en nga M̃irres se Iesu Kristo nga Mak Muli 9:46

[Naulwij ne lat nen sete arongwos parmij ko nabb nen sete arongwos parvisi pini.]