Nosp̃en nga M̃irres se Iesu Kristo nga Mak Muli 8:32 - Uripiv

³² Ni owrai tweni nale ngel limjer, ko niko Pita eptevi taleve ni ko erij terter tevi ko ewer ore ni.

Nosp̃en nga M̃irres se Iesu Kristo nga Mak Muli 8:32 Mawu Ofanana

Matiu 16:22

M̃irij jile mirpok, ko Pita ervei tweni ni nuru orsan, ko etipatun erij terter tevi, owra “Numal, Atua pia-rrorrmi nik. Setete pia-pelari pirpok ji nik.”

Nosp̃en nga M̃irres se Iesu Kristo nga Mak Muli 4:38

Ko Iesu ematur pareng pa renge batu drrav vitunen, ematur oulele pilo san. Ko jinibb sen arini ko arwuni tweni, arwerai tevi arwera “E, jinibb nevisvisenien, sete kurrorrmi nga kerr rrapmij?”

Nosp̃en nga M̃irres se Iesu Kristo nga Luk Muli 10:40

Ko Marta ornge esij e nga majingen milep, ko ni bbong m̃isan m̃iplaker. Ko evini ji Iesu ko owrai tevi, “Numal, sete kurrorrmi nga tasik mivel lingi inu, ko inu bbong m̃esan m̃eplak? Kupwerai tevi ni pivini piptevi inu.”

Nosp̃en nga M̃irres se Iesu Kristo nga Jon Muli 10:24

Ko m̃eri Isrel nga marlelep nir arini jin, artur rrale ko arwerai tevi, “Pijpari seveling nga nik kopok-loli kem nabok-tiriv pirpel? Namtirivtiriv ko ejki rres nawon. Poro nga nik kuvi Mesaea, kupwerai momsawose tevi kem vajin!”

Nosp̃en nga M̃irres se Iesu Kristo nga Jon Muli 11:14

Ko Iesu owra momsawos vajine limjer tevir, “Lasros emij pa.

Nosp̃en nga M̃irres se Iesu Kristo nga Jon Muli 16:25

“Nuwra nanu ngel nir tevi kami renge nale rrongrrongvi nir. Ko daron nen pia-vini nga inu setemun b̃ela nale rrongrrongvi, pijki, ko bowra momsawos Tata vajin tevi kami renge nale momsawos nir.

Nosp̃en nga M̃irres se Iesu Kristo nga Jon Muli 16:29

Jinibb sen nir arwerai tevi ni, “Ngok kulesi, kuwra momsawose vajin, setemun kuwrai renge nale rrongrrongvi.

Nosp̃en nga M̃irres se Iesu Kristo nga Jon Muli 18:20

Ko Iesu owra lweni tevi, “Tetajer inu nomok-wera nanu nir tevi jinibb jijle nir renge limjer. Nevisvisenien suk nomok-lolir renge naim gortien nir ko renge Naim On, lat nga m̃eri Isrel jijle marok-ini korti rengen. Inu sete nomok-wera silveni rragrrage nanu san, ejki.