Nosp̃en nga M̃irres se Iesu Kristo nga Mak Muli 7:36 - Uripiv

³⁶ Ko Iesu ewer orer nga nir sete parwerwerai nanu ngel tevi jinibb pisan pijki, ewer ore lenglengen e nir wor rengen. Ko nir armerreni lenglenge wor parwowrai, ko arwowrai tweni; arsupsup̃e vajin elep lengleng.

Nosp̃en nga M̃irres se Iesu Kristo nga Mak Muli 7:36 Mawu Ofanana

Matiu 8:4

Ko Iesu ewer ore, owrai tevi: “Kuplesi sete kupwerwerai tevi jinibb p̃isan, ko kupan kupviseni nibem tevi jinibb ne sulsulen san, ko kuplai merrenien p̃isan pusorsan tevi Moses muli tuwi suri nir nga marres luwi re mesien ngok, miviseni nir nga nibem muwokwok pa musuw.”

Nosp̃en nga M̃irres se Iesu Kristo nga Mak Muli 3:12

Ko ni otortorir, ko ewer orer eterter nga sete parwowra tweni ni tevi jinibb nir parongwose, pijki.

Nosp̃en nga M̃irres se Iesu Kristo nga Mak Muli 5:43

Ko Iesu ewer ore nga sete parwowrai nanu ngel tevi jinibb pisan purongwose, pijki. Ko owrai tevir nga parlai nanen sopon tevi vin wel nen purroi.

Nosp̃en nga M̃irres se Iesu Kristo nga Mak Muli 7:35

Ko m̃ernen boron eap ko orngurnge nanu vajin, ko nanu nga m̃isre totoni nemen emtarup lingi; ko ni erij vajin erres.

Nosp̃en nga M̃irres se Iesu Kristo nga Mak Muli 7:37

Bbösa nga milep elair ko arwera “Aro, ni ololi nanu elep arres, ololi kele borwon ngel kele nga nemen m̃ikel ngel erres luwi.”

Nosp̃en nga M̃irres se Iesu Kristo nga Mak Muli 8:26

Ko Iesu owrai tevi ni owra “Kupluwi ko pa van renge naim som e, setemun kupiel limjer re ngaim,” ko okoni tweni.

Nosp̃en nga M̃irres se Iesu Kristo nga Mak Muli 9:9

Ko mian ko renge daron nga marok-jubbul vajin renge botwen vini ngatan e, ko ni ewer orer nga sete parwowra nanu ngel nir nga marlesir ngel tevi jinibb pisan, pian pijpari daron nga Jinibb Mawos pimaur luwi kele renge mijen.