Nosp̃en nga M̃irres se Iesu Kristo nga Mak Muli 5:2 - Uripiv

² Ko daron nga moka-jubbul renge drrav e, ko jinibb san nga nem̃in nga m̃isij m̃isisilvi evel pelari renge dubb e nir vini, evel tersele, esewute.

Nosp̃en nga M̃irres se Iesu Kristo nga Mak Muli 5:2 Mawu Ofanana

Nosp̃en nga M̃irres se Iesu Kristo nga Mak Muli 1:23

Ko re daron nen renge naim ne loten, jinibb nga nem̃in nga m̃isij m̃isisilvi san elik rengen, ko ekail van mare, owrai tevi Iesu

Nosp̃en nga M̃irres se Iesu Kristo nga Mak Muli 1:26

Ko nem̃in nga m̃isij ololi ni elilawij ko eririr lengleng. Ko ekail van mare ko esil ivare, ko owlu lingi.

Nosp̃en nga M̃irres se Iesu Kristo nga Mak Muli 3:30

Owrai erpok suri nga nir arwera nem̃in nga m̃isij eptevi ni.

Nosp̃en nga M̃irres se Iesu Kristo nga Mak Muli 3:9

Ko Iesu owrai tevi jinibb sen nir nga parwer totoni ngarr drrav san puto terai ni, suri delung elep p̃elak, ko tarlilji ni.

Nosp̃en nga M̃irres se Iesu Kristo nga Mak Muli 4:1

Ko Iesu evisviseni kele jinibb nir renge jeli nuwito ngalu, ko delung elep nga elep arini korti jin. Ko ni esa asi van renge drrav san e ko esakel rengen. Ko jinibb sen nir arsoni tweni drrav, esal van ngalngalu sopon, ko delung jile nir arlik jer ngaut renge jeli nuwito.

Nosp̃en nga M̃irres se Iesu Kristo nga Mak Muli 4:36

Ko arivel arlinglingi delung nir artur jer, ko arengeni ni renge drrav eptevir, drrav nga pa ni m̃isakel ko rengen. Ko drrav m̃inij kele sopor arpitevi drrav nen.

Nosp̃en nga M̃irres se Iesu Kristo nga Mak Muli 5:21

Iesu esa kele renge drrav ko arwolu pelaot van renge devje nuwito kele e. Ko daron nga marwolu toku e vajin, ko delung nga milep arini korti jin ngalu.

Nosp̃en nga M̃irres se Iesu Kristo nga Mak Muli 5:3

M̃ernen ok-lik pa renge lat nga marok-tivtavin e ko, renge dubb nir. Ko setemun jinibb san orongwose p̃isre totoni tevi dil nga marterter e nir, ko dil delrrurr kele nir sete arvitere, ejki mun.

Nosp̃en nga M̃irres se Iesu Kristo nga Mak Muli 5:8

Suri Iesu muwra pa “Nik nem̃in nga m̃isij, kupivare lingi morok!”

Nosp̃en nga M̃irres se Iesu Kristo nga Mak Muli 7:25

Ko nesenwarreng san, nesevin san natun, nem̃in nga m̃isij san esisilvi. Ko nesevin nga natun nen ornge nga Iesu m̃ilik ie; ko esaro ngavilil van jin, ko evan ejipa van ngatan renge b̃elan.

Nosp̃en nga M̃irres se Iesu Kristo nga Luk Muli 8:27

Ko daron nga Iesu mujubbul mian ngaut e, ko jinibb ne ngaim nen san evel vini ko esewute. M̃ernen demij arsisilvi, ko epriv pa nga sete mun ok-uri sunsun; ko setemun elik renge ngaim, ko ok-lik pa renge dubb ko, lat nga martivtavin e.

Nosp̃en nga M̃irres se Iesu Kristo nga Luk Muli 9:42

Ko m̃er wel nga daron nga mivel malum e vini, ko nem̃in nga evivivrrule elep ko ololi ewajeni lenglenge ngatan, ko ololi niben aririr elep. Ko Iesu otortori nem̃in nga m̃isij nen ko ololi m̃er wel nga erres luwi, ko ela lweni tevi tata sen.