Nosp̃en nga M̃irres se Iesu Kristo nga Mak Muli 2:1 - Uripiv

¹ Nabong evis arasi osuw, mian ko Iesu olwi kele van renge Kapaneam e, ko elik re naim se Pita. Ko jinibb arunge nosp̃en nen nga ni elik renge loloim nen.

Nosp̃en nga M̃irres se Iesu Kristo nga Mak Muli 2:1 Mawu Ofanana

Matiu 4:13

Mivini Galili, ko setemun evan Nasret, elinglingi Nasret ojpon ko etajer van Kapaneam e, ko elik ie. Kapaneam evi ngaim san nga muto devje nuwito nga milep nga mubbun rrerrale nisen Galili, renge vanu ne metka se Sepulon ko Naptali.

Matiu 9:1

Ko mian ko Iesu esa luwi kele renge drrav nen, olwi kele vini renge ngaim sen e.

Nosp̃en nga M̃irres se Iesu Kristo nga Mak Muli 1:45

Evel van ko etipatun osupsup̃e limjer, etewijreni nanu nga elep. Ko ololi Iesu setemun orongwos pivel limjer renge ngaim mun nir, ni elik jer ko pa renge lolo merwer. Ko ngok ololi bbong jinibb ne lat p̃etp̃eti arivivel tweni malume.

Nosp̃en nga M̃irres se Iesu Kristo nga Mak Muli 2:2

Ko delung elep aran jin renge loloim; ko loloim setemun evter nir, ko vini vare e kele renge roro metali setemun evter kele. Ko ni ewerwer renge nale nga m̃irres tevir.

Nosp̃en nga M̃irres se Iesu Kristo nga Mak Muli 3:20

Iesu olwi kele vini renge naim se Pita e. Ko delung elep kele arini korti kele jin, ko ngok ololi setete daron ser otoe, erpok kele re daron ne nanen kele.

Nosp̃en nga M̃irres se Iesu Kristo nga Mak Muli 7:17

Ko ni evel lingi delung nir ko evini renge loloim e; ko jinibb sen nir arini jin ko arsusi rongornge nale nen tevi ni.

Nosp̃en nga M̃irres se Iesu Kristo nga Mak Muli 7:24

Mian ko Iesu evel lingi ie, ko evan renge ngaim nga muto mori Taea san. Ko evan renge loloim nen san, ko sete emrreni san purongwose; owra p̃isan p̃ilik. Ko ejki rres nawon, sete orongwos piteptepi.

Nosp̃en nga M̃irres se Iesu Kristo nga Mak Muli 9:28

Mian ko daron nga mivini vajin renge naim e, ko jinibb sen nir arsusi silveni tevi ni arwera “Erpese nga kem sete namrongwose naboji tweni?”

Nosp̃en nga M̃irres se Iesu Kristo nga Luk Muli 4:23

Ko ni owra lweni tevir, owra “Nurnge erpe kami kapwera nale san nga marok-werai ngel tevi inu, ‘Dokta, kuploli nik lweni kuprres puwomu. Nanu nga kumloli renge Kapaneam nir, kuplolir iel kele renge sisom’.

Nosp̃en nga M̃irres se Iesu Kristo nga Luk Muli 5:18

Ko jinibb sopor arwosi jinibb san nga devje niben mimij renge maling sen vini, ko arpejpej lat nga parasi van loloim e tevi, parlingi ji Iesu.

Nosp̃en nga M̃irres se Iesu Kristo nga Jon Muli 4:47

M̃ernen daron nga murnge Iesu mivel lingi pa Jutia mivini renge Galili e, ko ean jin ko ongoni ni, owra piptevi poran ngatan Kapaneam, puloli natun p̃irres luwi. Suri otomori pa pimij.

Majingen se Aposol Nir 2:6

Ko daron nga marunge drrelan nen, ko delung nga milep arser korti ie. Ko nir artaol ko aririr temijpal, suri arunge vajin jinibb se Iesu nir marjiljilwer renge nale ser mawos.