Nosp̃en nga M̃irres se Iesu Kristo nga Mak Muli 16:14 - Uripiv

¹⁴ Ko vitunen Iesu eplari kele ji jinibb sen esngavöl drromon san, renge daron nga marsakel maraan e. Ko ni otortorir suri norrorrmien ser sete otoe ko sete marosuri lartul nga marwerai nga marlesi ni mimaur luwi renge mijen.

Nosp̃en nga M̃irres se Iesu Kristo nga Mak Muli 16:14 Mawu Ofanana

Matiu 11:20

Ko vitunen Iesu etipatun ko erij terter tevi nir nga marlik renge ngaim sopor suri nelesien jijle nga muloli re nir marlesi, ko sete nolor arlululwi ren.

Matiu 17:20

Ko Iesu owrai tevir, “Suri nosurien se kami ewelili jer. Nuwretun nuwrai tevi kami, poro nosurien se kami putoe pirpe jelangi nubek nga welili bbong, ko pivtere nga kapwerai tevi botwen nga milep ngel, ‘Kupruj ngasu iok,’ ko puruj ko. Sete nanu p̃isan kele nga kami sete kamrongwos kaploli.

Matiu 28:17

Ko daron nga marlesi ni, ko arsurövi ni; ko nir sopon sete arosuri erres.

Nosp̃en nga M̃irres se Iesu Kristo nga Mak Muli 7:18

Ko ni owrai tevi nir owra “Kami kele kamlengleng kamirpe nir? Sete kamrongwose nga nanu nga mivel vare van renge nolo jinibb e sete orongwos puloli purro.

Nosp̃en nga M̃irres se Iesu Kristo nga Luk Muli 24:11

Ko aposol nir arunge nale ser erpe nale gerisen bbong, ko sete arosuri.

Nosp̃en nga M̃irres se Iesu Kristo nga Luk Muli 24:25

Ko Iesu owrai tevi nuru owra “O, kami nga kamlengleng, ko kamlolola lengleng renge kaposuri nale se propet nir nga marwerai!

Nosp̃en nga M̃irres se Iesu Kristo nga Jon Muli 20:25

Ko jinibb se Iesu m̃inij nen nir arwerai tevi ni, “Kem ma namlesi Numal!” Ko Tomas owrai tevi nir, “Ejki ma! Poro inu sete b̃elesi nel milngen renge nevren nuru, ko sete b̃elngi bbösö nevrek renge milnge nel nolon ko b̃elngi nevrek renge milnge sir renge nelin, ngok sete numa-osuri.”

Nosp̃en nga M̃irres se Iesu Kristo nga Jon Muli 20:26

Mian ko renge nabong owil arasi osuw, ko jinibb sen nir arlik korti kele renge naim; ko Tomas eptevir vajin. Ko metali arkikior. Ko Iesu otur pelari kele livö jir, ko owra “Demat piptevi kami.”

Nosp̃en nga M̃irres se Iesu Kristo nga Jon Muli 20:27

Ko owrai tevi Tomas “Kuplingi bbös nevrem iel ko kupmeteni nevrek nuru, ko kupsareni nevrem kuplingi renge milnge sir renge nelik. Sete nosurien som pijkie, ko kuposuri ma.”

Nosp̃en nga M̃irres se Iesu Kristo nga Jon Muli 21:1

Vitunen renge ngel, Iesu lweni eviseni ni kele vesan tevi jinibb sen nir renge jeli nuwito ne Taepirias (Galili). Renge sel ngel ko ni miviseni ni lweni rengen, erpel:

Nosp̃en nga M̃irres se Iesu Kristo nga Jon Muli 21:14

Ngel evi vatolin le nga Iesu miviseni ni lweni tevi jinibb sen nir vitunen renge mimaur luwi kele re mijen.

Majingen se Aposol Nir 1:3

Ko renge nabong ngavöl ivij (40) ko ni eviseni ni tevir, nga puloli parongwose p̃irres nga ni emaur luwi renge mijen. Nir arlesi, ko ni ejilwer tevir suri batun vanu se Atua.

Korin 1 15:5

nga m̃irrmali ji Pita, mian ko ji kele jinibb sen esngavöl drromon eru.

Bori se Jon 3:19

Inu nomok-rij eterter ko nomok-tor alje nir nga memrreni temijpale nir. Ko ngok, kaprrorrmi p̃irres ko kaprieni norrorrmien se kami renge nololien se kami.