Nosp̃en nga M̃irres se Iesu Kristo nga Mak Muli 16:1 - Uripiv

¹ Mian ko mijpari renge mevinen vajin nat mirivriv, nial ean ewaj pini, ngok Sapat osuw ko vajin, ko Merri ne Maktala ko Merri nga tasu se Jemes ko Salome aran vajin arwuli rao nai sopor nga mapu suwer m̃irres, ngok nga paran parsesei renge ni niben.

Nosp̃en nga M̃irres se Iesu Kristo nga Mak Muli 16:1 Mawu Ofanana

Nosp̃en nga M̃irres se Iesu Kristo nga Mak Muli 14:3

Iesu evan renge Betani ko elik renge naim se Saemon nga bonevis mimsi e mesien nga niber m̃im̃emaul. Ko ni esakel mare ko eaan. Ko nesevin san evini jin, otori botel san nga marloli nevöt e san, nisen arwera alapasta. Renge botel nen senta nga marloli renge nart oto rengen, mapun erres elep ko nowlin elep kele. Ko vinnen obbri botel nen ko ejvi senta nen renge batu Iesu.

Nosp̃en nga M̃irres se Iesu Kristo nga Mak Muli 14:8

Ko vinel evini iel, ololi pa nanu nga ni murongwos puloli ko, ni ejvi senta re nibek owomu etravi daron ne netivtavien suk.

Nosp̃en nga M̃irres se Iesu Kristo nga Mak Muli 15:40

Nesevin sopor nir Merri korti nuru, Merri ne Maktala ko Merri nga Jemes nga welili, ko Joses tasu se nuru, ko Salome, arok-tur ie ngasu wor sopon. Ko arok-kulu van arok-meteni.

Nosp̃en nga M̃irres se Iesu Kristo nga Mak Muli 15:42

Nat erivriv pa vini, nial evan ngatan. Ko suri nabong nen evi nabong nga marok-eseser ren, ko poro nial piwaj pini vajin ko osuw, nabong on ko, setemun san orongwos puloli mun nanu san, niko

Nosp̃en nga M̃irres se Iesu Kristo nga Mak Muli 15:47

Ko Merri ne Maktala ko Merri nga tasu se Joses orlesi lat nga marlingi nibe Iesu rengen e.

Nosp̃en nga M̃irres se Iesu Kristo nga Mak Muli 16:2

Mevinen vajin renge rorpong susu malum daron nga nial mia-meraej e renge nabong womu nen ne wik, ko nir armermera tweni paran renge dubb.

Nosp̃en nga M̃irres se Iesu Kristo nga Mak Muli 16:8

Ko arsil ivare renge dubb ko arwolu lengleng, arwolu lingi, suri aririr ko bbösa evan renger. Ko sete arwera nale san tevi jinibb san.

Nosp̃en nga M̃irres se Iesu Kristo nga Luk Muli 23:54

Ko evi Praete, nabong nga marok-eseser e marok-la kortoni ngarre nanu nir. Ko otomori pa nial piwaj pini ko Sapat pivini.

Nosp̃en nga M̃irres se Iesu Kristo nga Luk Muli 23:56

Mian ko nesevin ngel nir arluwi van renge naim e, ko arla roi nga mapur m̃irres ko pomat, arloli kortoni ngarre nir, mian ko para-lair van parsesei renge nibe Iesu. Ko nir armosi erpe nesesreien ne Sapat muwrai.

Nosp̃en nga M̃irres se Iesu Kristo nga Luk Muli 24:1

Renge Sante rorpong susu malum, ko nesevin nen nir artori ro nai nga mapur m̃irres, ko armermera tevi van renge dubb nga parsesei renge nibe Iesu.

Nosp̃en nga M̃irres se Iesu Kristo nga Jon Muli 19:25

Ko mori bbonge nai pelaot sopon, Iesu tasu sen ko tasu sen tuwan, ko Merri nga nesen se Klopas, ko Merri nesen Maktala, artur.

Nosp̃en nga M̃irres se Iesu Kristo nga Jon Muli 19:31

M̃erwomu se m̃eri Isrel nir arngoni tevi Paelat nga pimarong parbburi b̃ela jinibb nen nir, puloli parmij e, ko parjuri twenir renge nai pelaot nir. Arwera parloli pirpel suri evi Praete, ko sete armerreni niber parrul jipari nabong ne Sapat. Sapat nen evi Sapat nga muon milep, suri evi Sapat ne nanen ne asien.