Nosp̃en nga M̃irres se Iesu Kristo nga Mak Muli 14:72 - Uripiv

⁷² Renge daron mawos ngok ko pa, ko nato okokrout varwen kele. Ko Pita orrorrmi wos nale se Iesu nga muwrai tevi ni, “Daron nga nato setewor pukokrout pivaru e ko, ko nik kupvilvil ore inu pivaru.” Ko ngok daron nga murrorrmi wose, ko ornge esij, ko eting.

Nosp̃en nga M̃irres se Iesu Kristo nga Mak Muli 14:72 Mawu Ofanana

Matiu 26:34

Ko Iesu owrai tevi, “Nuwretun nuwrai tevi nik, renge nat nga mupong ngel puwomu, vitunen ko nato pia-kokrout, ko nik kupa-vilvil ore inu pivatul.”

Nosp̃en nga M̃irres se Iesu Kristo nga Mak Muli 14:30

Ko Iesu owra tevi ni, “Nuwretun nuwrai tevi nik, lelingen renge nata mupong ngel puwomu mian ko nato pia-kokrout pivaru, nik kupvilvil orek pivatul, kupwera sete kurongwose inu.”

Nosp̃en nga M̃irres se Iesu Kristo nga Mak Muli 14:68

Ko ni evilvil ore owra “Inu nurrerrlenge, sete nurongwose nanu nga kumwerai ngok!” Ko ni esil ivare renge devji evini vare ko ewit van otur renge metali. Ko nato okokrout vesan.

Nosp̃en nga M̃irres se Iesu Kristo nga Mak Muli 14:71

Ko Pita erij otot ojuji lenglengen mare ko owra “Nurrerrlenge m̃erel nga kami kamsup̃e ngel!”

Nosp̃en nga M̃irres se Iesu Kristo nga Luk Muli 22:60

Ko Pita owra “E, m̃erel, inu sete nurongwose rragrrag nanu nga kumwerai ngok!” Daron nga mok-rij malum mirpel ko nato kele okokrout evesane tevi momsawos daron nga mok-rij malum ngok e.

Nosp̃en nga M̃irres se Iesu Kristo nga Luk Muli 22:62

Ko Pita evel van vare, ko eting nga eting lengleng, emesmasorr e.

Korin 2 7:10

Suri daron nga norongen nga m̃isij miplari ji Atua, ko orongwos puloli nolo kerr pulululwi, ko rrapasi van re mauren. Iok erres. Ko norongen nga m̃isij nga mok-pelari re bbong ngatan ngel okloli rrapan re mijen.