Nosp̃en nga M̃irres se Iesu Kristo nga Mak Muli 10:2 - Uripiv

² Ko renge ie Parasi sopor arini jin arwera parrowrrowe ni. Ko arsusi tevi ni arwera “Erpese, renge nale nesesreien evi nanu nga m̃irres nga jinibb p̃ilinglingi kurtweni nesevin sen?”

Nosp̃en nga M̃irres se Iesu Kristo nga Mak Muli 10:2 Mawu Ofanana

Matiu 15:12

Ko vitunen jinibb sen nir arini jin, arwerai tevi ni: “Nik kurongwose nga Parasi nir marunge m̃isij e nanu nga kumwerai ngok?”

Matiu 16:1

Ko Parasi sopor ko Satusi sopor arini. Arwera parrowrrowe Iesu, armerreni ni puloli nelesien san renge derteren ne melrin tevi nir parlesi.

Matiu 19:3

Ko Parasi kele nir arini jin, arwera parrowrrowe ni. Ko arsusi, “Erpese? Evi nanu nga m̃irres nga jinibb p̃ilngi kurtweni nesevin sen suri nanu jijle?”

Matiu 22:35

Mian ko san re nir nga norongwosien sen mutoe re nale nesesreien se Atua osusi rongornge tevi ni, owra purrowrrowe ni, owra

Matiu 23:13

“Wi, kami jinibb nevisvisenien ne nale nesesreien, ko kami Parasi, kami nga kamiel re sel eru! Suri kamkikiorore batun vanu ne melrin tevi jinibb nir. Ko kami kele sete kaman, ko sete kamlinglingi kele nir nga marmerreni paran.

Matiu 9:34

Ko Parasi nir arwera “Wi, ok-ojoji tweni demij suri ni elai derteren sen ji numal se demij nir.”

Nosp̃en nga M̃irres se Iesu Kristo nga Mak Muli 10:1

Ko Iesu otur imare evel lingi lat nen, ko evini renge vanu ne Jutia renge devjen nga muto roroni van renge Jortan e. Ko delung elep kele arini korti jin, ko ni evisvisenir kele erpe nga momori mok-loli pa.

Nosp̃en nga M̃irres se Iesu Kristo nga Mak Muli 10:3

Ko ni owrai lweni tevir owra “Ko Moses owra sev ko tevi kami?”

Nosp̃en nga M̃irres se Iesu Kristo nga Mak Muli 8:11

Ko Parasi sopor arini ji ni, arwera parrowrrowe ni; arsusi kerkerasi tevi ni, armerreni parlesi nelesien ne melrin san nga ni puloli.

Nosp̃en nga M̃irres se Iesu Kristo nga Mak Muli 8:15

Ko Iesu osur terter tevir owra “Kapkulkulu metmet p̃irres renge is ne Parasi ko is ne Erot, tulokloksi kami.”

Nosp̃en nga M̃irres se Iesu Kristo nga Luk Muli 11:39

Ko Numal owrai tevi m̃ernen, “Kami Parasi kamok-rrawe vare ne biles nir ko plet nir, ko renge nolo kami nir arwun saute nanu nga marsij nir.

Nosp̃en nga M̃irres se Iesu Kristo nga Luk Muli 16:14

Ko Parasi nir arok-merreni temijpale nevöt, ko daron nga marunge nanu nga Iesu muwrair ngok e nir, ko armen kerajie.

Nosp̃en nga M̃irres se Iesu Kristo nga Luk Muli 5:30

Ko Parasi sopor ko jinibb nevisvisenien ne nale nesesreien sopor nga marok-pitevir arwor suri Iesu tevi jinibb sen nir, arwera “Erpese kami kamaan ko kamminmin tevi jinibb nga marok-la nevöt ne takis nir ko jinibb nga marsij nir?”

Nosp̃en nga M̃irres se Iesu Kristo nga Luk Muli 6:7

Ko renge ie jinibb nevisvisenien ne nale nesesreien sopor ko Parasi sopor armeteni suri Iesu eterter nga poro nga ni puloli m̃er nga nevren m̃ikati nen p̃irres renge nabong ne Sapat, ko ngok nir partor sweri nanu san nga parevei Iesu pian re kot suri.

Nosp̃en nga M̃irres se Iesu Kristo nga Luk Muli 7:30

Ko Parasi nir ko jinibb nevisvisenien ne nale nesesreien nir armusus parvijuri sel se Atua nga muloli pa tevir, suri armusus parpaptaes bonevis renge baptaesen se Jon.

Nosp̃en nga M̃irres se Iesu Kristo nga Jon Muli 11:47

Ko Parasi nir ko batu jinibb ne sulsulen nir arkorti tevi gortien nga milep se m̃eri Isrel nir ko arwera “Kerr puloli pirpese? M̃erel ololi nelesien nga marlelep nir.

Nosp̃en nga M̃irres se Iesu Kristo nga Jon Muli 11:57

Batu jinibb ne sulsulen nir ko Parasi nir arwerai pa tevi jinibb nir arwera poro san p̃ilesi Iesu lat nga m̃ilik e, ko puwrai tevir parongwose, ko paran parevei.

Nosp̃en nga M̃irres se Iesu Kristo nga Jon Muli 7:32

Parasi nir arunge delung nir marok-sur vijvij malum marok-sup̃e suri nanu nga Iesu mulolir ngok nir. Ko ngok nir ko batu jinibb ne sulsulen nir arkoni jinibb ne no nuval sopor paran parevei Iesu.

Nosp̃en nga M̃irres se Iesu Kristo nga Jon Muli 7:48

Ko erpese renge jinibb womu ne jinibb nir ko kem Parasi nir, sete san osuri ni!

Nosp̃en nga M̃irres se Iesu Kristo nga Jon Muli 8:6

Arwerai erpel ngel nga bbong parrowrrowe ni ko rengen, puloli nga nir parla norrorrmien rengen, ko parwer lokloksi ni ren. Ko Iesu ejiol vitan ko olul e bbös nevren renge dan, ololi erpe sete murnge nanu nga marwerai.

Korin 1 10:9

Sete erres rraprrowrrowe Numal se kerr pirpe nir ne tuwi sopor marloli, mian ko num̃et nir maraji pinpinir.