Nosp̃en nga M̃irres se Iesu Kristo nga Mak Muli 1:39 - Uripiv

³⁹ Ko ni evan renge loloim ne naim loten ser p̃etp̃eti nir renge Galili ko ok-werwer renge nir, ko okoji tweni nem̃in nga marsij nir.

Nosp̃en nga M̃irres se Iesu Kristo nga Mak Muli 1:39 Mawu Ofanana

Matiu 4:23

Ko Iesu evel jile re Galili, ko ok-visviseni renge naim gortien ser, ko ok-werwer suri nale nga m̃irres suri batun vanu ne melrin. Ko ok-loli nir nga marmesi mesien lele arres luwi.

Matiu 9:35

Ko Iesu evel rrerrale ngaim nga marlelep nir ko nga wowarreng nir, ko ok-visviseni renge naim gortien ser. Ko ok-werwer suri nale nga m̃irres suri batun vanu ne melrin, ko ok-loli nir nga marmesi mesien lele, mesien ser osuw, arres vajin.

Nosp̃en nga M̃irres se Iesu Kristo nga Mak Muli 1:21

Ko Iesu eptevir aran renge ngaim ne Kapaneam e. Ko renge Sapat aran renge naim ne loten ser, ko Iesu evisviseni jinibb nir.

Nosp̃en nga M̃irres se Iesu Kristo nga Mak Muli 1:23

Ko re daron nen renge naim ne loten, jinibb nga nem̃in nga m̃isij m̃isisilvi san elik rengen, ko ekail van mare, owrai tevi Iesu

Nosp̃en nga M̃irres se Iesu Kristo nga Mak Muli 1:38

Ko ni owrai tevir owra “Kerr pian kele wor re ngaim m̃inij e nir, nga inu b̃ewerwer kele renger. Suri nuvini tweni iok le ngel.”

Nosp̃en nga M̃irres se Iesu Kristo nga Mak Muli 3:1

Iesu olwi kele evan renge naim ne loten. Ko renge loloim ne loten nen, jinibb san nga nevren m̃ikati elik rengen.

Nosp̃en nga M̃irres se Iesu Kristo nga Mak Muli 6:6

Ko ni etaole nga sete marosuri. Ko evel evisviseni jinibb nir rrale vanu nen ngaim nen nir.

Nosp̃en nga M̃irres se Iesu Kristo nga Mak Muli 7:30

Ko daron nga vin nga mulwi vini renge naim sen e, ko elesi nga nem̃in nga m̃isij eivare lingi pa natun osuw, ko natun erres vajin ematur renge maling.

Nosp̃en nga M̃irres se Iesu Kristo nga Luk Muli 4:41

Ko nem̃in nga marsij arivare lingi nir elep, ko arkail van mare arwera “Nik kuvi Atua Natun!” Ko Iesu otortorir ewer orer owra sete parij, suri arongwose ni evi Mesaea.