Matiu 5:15 - Uripiv

¹⁵ Ko poro jinibb san pusli nasul, ko sete orongwos putori ngatan; putori mare sopon, ko puloli jinibb jile parlesi moron.

Matiu 5:15 Mawu Ofanana

Nosp̃en nga M̃irres se Iesu Kristo nga Mak Muli 4:21

Ko Iesu owrai kele tevi nir, owra “Daron nga kumla laet vini e, sete orongwos kupla twenie nga kuptawi ore besin e, ko sete orongwos kuplingi renge melve maling, ejki. Ko kuplingi ko wor renge milngen mawos.

Nosp̃en nga M̃irres se Iesu Kristo nga Luk Muli 11:33

“Sete jinibb san osli jile nasul osuw mian ko otori ngatan, ejki; putori mare sopon, ko puloli jinibb jile parlesi moron.

Nosp̃en nga M̃irres se Iesu Kristo nga Luk Muli 11:36

Ko poro mauren totoklai se kami parwun saute moron, ngok pimor vaseni p̃etp̃eti mauren se kami ko, sete lat sopon mara-jipon jer.”

Nosp̃en nga M̃irres se Iesu Kristo nga Luk Muli 8:16

“Sete jinibb san orrungsi laet ko p̃ila biles piteplis ore e, rreknga p̃ilai p̃ilngi renge melve maling, ejki rres nawon. P̃ilngi ko wor mare renge lat nga mok-jinget rengen. Ko ngok jinibb nga parini renge loloim parlesi moron.

Pilipae 2:15

Ko niko kapwokwok p̃irres, ko nanu nga m̃isij pijki re nolo kami. Kapirpe natu Atua nir nga marres p̃etp̃eti, nga kamlik liven ne dul nga marsij p̃erp̃er. Liven ne nir, kapmor pirpe moju renge iel ngatan.

Ibrus 9:2

Jinibb ne tuwi arsusture devji san nga mivi Naim On nga markel otvi m̃ierue. Loloim nga womunen arwerai lat nga muon. Renge loloim nen, laet san oto, tep san, ko niv sopon nga marok-lingi tetajer renge no Atua.

Bori se Jon 2:5

Ko ngok kaprrorrmi p̃irres suri murrun nga m̃irres nga kamvijuri tuwi, ko kapvijuri lilane lweni kele pirpe tuwi daron nga murrun nen m̃itkai kami vini nga kamlesi wose moron. Ko poro sete kaprieni norrorrmien se kami renge sel nga m̃isij nga kamok-loli lelingenok, ko inu bevinuk ko b̃ela tweni jijle laet se kami.