Matiu 27:60 - Uripiv

⁶⁰ Ko elngi renge dubb sen nga mimerr nga m̃itai renge b̃ereng. Ko eitini nevöt b̃ereng nga milep san oto ore metali ne dubb, ko evel lingi.

Matiu 27:60 Mawu Ofanana

Matiu 27:59

Ko Josep ela niben, ko onb̃e ore kalik nga muwokwok e m̃irres.

Matiu 27:66

Ko arivel aran ko arlingi nanu san renge nevöt nga muto ore metali nga puloli parongwose poro jinibb san p̃iasi van loloim. Ko arlingi jile osuw, ko arlingi vajin jinibb ne nuval nen nir parmetmet ore.

Matiu 28:2

Ko nam̃i nga milep san em̃i, suri anglo san se Numal Atua ojubbul re melrin vini; evini eitini tweni nevöt ne metali, ko esakel ren.

Nosp̃en nga M̃irres se Iesu Kristo nga Luk Muli 24:2

Ko daron nga marini renge dubb, ko arlesi nevöt nga muto ore dubb martini tweni pa rengen mijkie.

Nosp̃en nga M̃irres se Iesu Kristo nga Jon Muli 11:38

Vesan kele Iesu engavsi, ornge lengleng esij. Ko evan renge dubb. Evi b̃ereng, ko aritini nevöt nga milep oto ore metali nen.

Nosp̃en nga M̃irres se Iesu Kristo nga Jon Muli 11:41

Ko nir aritini tweni nevöt nen. Ko Iesu eleng raji meten oklu imare, ko owra “Tata, nuwra erres tevi nik nga komok-runge inu.

Nosp̃en nga M̃irres se Iesu Kristo nga Jon Muli 19:41

Mori iok lat nga marruloni Iesu rengen, orsel ne lolnai ne olip san oto mori bbonge. Ko renge lolnai ne olip ngok nevöt b̃ereng san nga Josep m̃itai nolon mutoe oto rengen, nga sete arlingi rrongvi wor jinibb nga mimij san rengen.

Nosp̃en nga M̃irres se Iesu Kristo nga Jon Muli 20:1

Daron nga Sapat ser m̃iasi vajin, renge Sante rorpong susu nat murrorrorr malum, Merri ne Maktala emremra van renge dubb. Ko elesi nevöt nga muto ore nolo b̃ereng mijkie, arla tweni pa.