Nosp̃en nga M̃irres se Iesu Kristo nga Luk Muli 9:56 - Uripiv

⁵⁶ Ko nir setemun aran re ngaim nen, arivel asie van renge ngaim m̃inij kele e san.

Nosp̃en nga M̃irres se Iesu Kristo nga Luk Muli 9:56 Mawu Ofanana

Matiu 18:10

“Kapmetmet renge kamkulu wutane re san nga welili ngel. Nuwrai tevi kami, renge melrin anglo ser nir nga marok-metmete nir arlesi tetajer no Tata suk nga m̃ilik re melrin.

Matiu 18:11

“Ko inu Jinibb Mawos nuvini tweni b̃ela se nir nga marjijki.

Matiu 20:28

Osorsan tevi inu Jinibb Mawos, sete nuvini tweni nga jinibb parmajing se inu, ko nuvini tweni b̃emajing se nir, ko nga b̃elai mauren suk puto wani milnge delung nir re mijen, ko bowli lwenir.”

Matiu 5:39

Ko inu ma nuwrai tevi kami vajin, Sete kupwer ore jinibb nga m̃isij. Poro pungasim, ko puwje vasum rres, ko kuprieni nom, ko puwje kele vasum devjen kele.

Nosp̃en nga M̃irres se Iesu Kristo nga Luk Muli 19:10

Nosp̃en nga M̃irres se Iesu Kristo nga Luk Muli 22:51

Ko Iesu owra “E, pijki, evter ko pa!” Ko ela nevren ko eptongi renge m̃er nga boron ko ololi emaw erres luwi.

Nosp̃en nga M̃irres se Iesu Kristo nga Luk Muli 23:34

Ko Iesu owra “Tata, kuptelasi tweni nololien ser, suri sete arongwose rragrrage nanu nga marloli.” Ko nir artututweni sunsun sen tevir nga partuwe daes suri.

Nosp̃en nga M̃irres se Iesu Kristo nga Luk Muli 9:55

Ko ni erieni ko otortori nuru.

Nosp̃en nga M̃irres se Iesu Kristo nga Luk Muli 9:57

Ko daron nga marivel suri sel malum, ko jinibb san evini ko owrai tevi Iesu, “Ngabe tama nga poro kupa-van e, ko inu bevijuri nik ko wor.”

Nosp̃en nga M̃irres se Iesu Kristo nga Jon Muli 10:10

Jinibb venao evini bbong nga pivevna ko, ko pirevji pini, ko pulokloksi p̃etp̃eti. Inu ma nuvini nga b̃elai mauren tevir nga parla p̃etp̃eti vajin.

Nosp̃en nga M̃irres se Iesu Kristo nga Jon Muli 12:47

Poro jinibb pisan purnge nale suk, ko sete puosuri te, inu sete numa-wera suri lat nga puto suri re m̃ernen. Suri sete nuvini tweni bololi pirpok iel ngatan, nuvini tweni nga b̃ela mauren tevi jinibb nir.

Nosp̃en nga M̃irres se Iesu Kristo nga Jon Muli 3:17

Atua okoni inu Natun mawos vini iel ngatan, sete suri b̃ewer lokloksi jinibb ne iel ngatan nir, ejki, ko b̃ela ma mauren tevir.

Naul nga Pol Muli tevi Kalesia Nir renge Rom 12:21

Sete kaplinglingi nanu nga marsij parevei tweni kami, ko kaploli ma nanu nga m̃irres p̃ila tweni nanu nga m̃isij.

1 Timoti 1:15

Ko nale ngel nga muwrai Iesu Kristo mivini iel ngatan nga p̃ila mauren tevi jinibb nga marsij evi nale weretunen, nga kerr rraposuri ko wor tetajer. Ko inu nusij wor asi nir ngok.