Nosp̃en nga M̃irres se Iesu Kristo nga Luk Muli 9:45 - Uripiv

⁴⁵ Ko jinibb sen nir arrelenge nale nga Iesu muwrai ngel lat nga muto suri. Atua esilveni renger nga sete parongwose, ko nir armetutue parsusi lweni tevi ni.

Nosp̃en nga M̃irres se Iesu Kristo nga Luk Muli 9:45 Mawu Ofanana

Matiu 16:22

M̃irij jile mirpok, ko Pita ervei tweni ni nuru orsan, ko etipatun erij terter tevi, owra “Numal, Atua pia-rrorrmi nik. Setete pia-pelari pirpok ji nik.”

Matiu 17:22

Ko mian ko daron nga marini marlik korti re vanu ne Galili vajin, ko Iesu owrai tevir: “Inu Jinibb Mawos para-teka kerasi inu van re nevre jinibb.

Nosp̃en nga M̃irres se Iesu Kristo nga Mak Muli 9:10

Nir artori totoni nale nga muwrai tevi nir kis ngok, ko nir arsususi lululweni tevi nir, “Owra puwra sev ko nga muwra ‘pimaur luwi kele renge mijen’?”

Nosp̃en nga M̃irres se Iesu Kristo nga Mak Muli 9:32

Ko nir arrelenge nale nga muwrai ngok, ko armetutue nga parsusi lweni tevi ni.

Nosp̃en nga M̃irres se Iesu Kristo nga Luk Muli 18:34

Ko jinibb sen nir arrleng sisini nale nga muwrair ngel, ko sete arongwose rragrrage sopon.

Nosp̃en nga M̃irres se Iesu Kristo nga Luk Muli 2:50

Ko nuru sete orongwose isev ko nga muwrai tevi nuru.

Nosp̃en nga M̃irres se Iesu Kristo nga Luk Muli 9:46

Ko jinibb se Iesu nir arok-rij latlat lulweni tevir suri isi pivi jinibb nga milep jer renge nir.

Nosp̃en nga M̃irres se Iesu Kristo nga Jon Muli 12:16

Jinibb sen nir sete arongwos wowomue nanu ngel nir; mian ko vitunen vajin daron nga Iesu mutur imare luwi renge mijen mian renge melrin m̃ila nosrövien sen, ko ngok ara-rrorrmi sweri vajine nga aruli nanu ngel nir suri ni renge Naul On, nga jinibb nir parloli nanu ngel nir tevi ni.

Nosp̃en nga M̃irres se Iesu Kristo nga Jon Muli 12:34

Delung arwera lweni tevi, “Kem namrunge renge nale nesesreien, owra Mesaea p̃ilik tuwi ngok vini. Ko nik kuwra erpese ko nga kumwerai mirpok ngok, ‘Parsusi wor jinibb mawos ko mare’? Ko isi ko jinibb mawos ngok?”

Nosp̃en nga M̃irres se Iesu Kristo nga Jon Muli 14:5

Tomas owrai tevi “Numal, sete namrongwose te lat nga kupan e, kem nabrongwose sel nen pirpese?”

Nosp̃en nga M̃irres se Iesu Kristo nga Jon Muli 4:33

Suri muwrai mirpok ngok, ko jinibb sen nir arwerwera lululweni nir e, “Rrekma jinibb san ela nanen tevi ni nga purroi?”