Nosp̃en nga M̃irres se Iesu Kristo nga Luk Muli 8:22 - Uripiv

²² Mian ko renge nabong san, Iesu owrai tevi jinibb sen nir, “Kerr puwlu asi van renge devje nuwito e.” Ko nir arsa re drrav ko arwolu van.

Nosp̃en nga M̃irres se Iesu Kristo nga Luk Muli 8:22 Mawu Ofanana

Matiu 14:22

Ko ngavilvil ololi jinibb sen nir arsa kele re drrav, parwowomu van re devje nuwi, parteravi ni nga ni pukoni tututweni delung nir parivel.

Matiu 8:18

Ko vitunen Iesu elesi delung elep nga martur rrale ni, ko owrai tevi jinibb sen nir, “Rrapan re devje nuwi Galili e.”

Nosp̃en nga M̃irres se Iesu Kristo nga Mak Muli 5:21

Iesu esa kele renge drrav ko arwolu pelaot van renge devje nuwito kele e. Ko daron nga marwolu toku e vajin, ko delung nga milep arini korti jin ngalu.

Nosp̃en nga M̃irres se Iesu Kristo nga Mak Muli 6:45

Ko Iesu ololi jinibb sen nir arsa van renge drrav parwowomu van renge devje nuwi e renge ngaim ne Betsaeta, daron nga ni pukoni tweni jinibb nir parivel e.

Nosp̃en nga M̃irres se Iesu Kristo nga Mak Muli 8:13

Ko ni evel lingir ean kele esa renge drrav aran renge devje nuwito e.

Nosp̃en nga M̃irres se Iesu Kristo nga Luk Muli 5:1

Renge nabong san ko Iesu ok-tur renge jeli nuwito ne Genesaret (nga nisen tuwen marveruse nuwito ne Galili) ko ok-werwer. Ko delung elep arini mori jin arunge nale se Atua, ko arlilji ni.

Nosp̃en nga M̃irres se Iesu Kristo nga Luk Muli 8:23

Ko daron nga marwolu e, ko Iesu ematurrwel. Ko ling serser nga milep san etewut eterter vini re nuwito, ko ejpari drrav ser. Ko nuwi ejvijvi van renge nolo drrav, ko dungun elep nga elep; otomori parron, ko nolor opotpot e elep.

Nosp̃en nga M̃irres se Iesu Kristo nga Luk Muli 8:33

Ko nem̃in nga marsij arivare lingi m̃er nga ko aran arsilvi b̃erp̃er nir. Ko b̃erp̃er nir arwolu jubbjubbul van renge jeljeli nuwito ko arowrow jubbjubbul van ngatan e renge nuwito, ko arron.

Nosp̃en nga M̃irres se Iesu Kristo nga Jon Muli 6:1

Vitunen renge ngel, Iesu evel rujruj kele evan renge devjen ne nuwito ne Galili, nga nisen m̃inij nen marwera nuwito ne Taepirias e.

Majingen se Aposol Nir 27:2

Drrav san elinglingi Atramitiam evini iel, ko owra pulwi kele van re ngaim ne Esia e nir. Ko naman namsa re drrav nen; ko m̃eri Masetonia kele san eptevi kem, nga sisen Tesalonaeka ko nisen Aristakas.