Nosp̃en nga M̃irres se Iesu Kristo nga Luk Muli 7:16 - Uripiv

¹⁶ Ko jinibb jijle nolor arwun saute metutuen. Ko arsurövi Atua arwera “Propet nga milep san otur imare renge livö renge kerr!”, ko arwera kele “Atua evini nga p̃ila mauren tevi jinibb sen nir.”

Nosp̃en nga M̃irres se Iesu Kristo nga Luk Muli 7:16 Mawu Ofanana

Matiu 15:31

Ko daron nga jinibb nir marlesi nabbut marij, ko nir nga b̃elar ko nevrer marsij arres luwi, naroj marivel, ko metrrorr markulu, bbösa elair e, ko arsurövi Atua se m̃eri Isrel nir.

Matiu 21:11

Ko delung nir arwera lweni: “Ngel evi propet Iesu ne Nasret renge Galili.”

Matiu 28:8

Ko orivel lingi dubb ngavilvil tevi metutuen ko neiren nga milep, ko orwolu van porla nale tevi Iesu jinibb sen nir.

Matiu 9:8

Ko delung nir arlesi nanu nga muloli, ko armetutue, ko arsurövi Atua renge nga m̃ilai derteren nga mirpok tevi jinibb.

Nosp̃en nga M̃irres se Iesu Kristo nga Luk Muli 1:65

Ko nir nga marlik mori ni armetutu, ko bbösa elair e. Ko nosp̃en nen arsup̃e rrale ngaim nga marto rrale botwen ne Jutia e nir.

Nosp̃en nga M̃irres se Iesu Kristo nga Luk Muli 1:68

“Kerr rrapsurövi Atua se kerr m̃eri Isrel nir. Suri ni evini oklue kerr jinibb sen nir, ko orpaji tweni kerr rramiel sisarow vajin.

Nosp̃en nga M̃irres se Iesu Kristo nga Luk Muli 19:44

Ko nir parjijkarre p̃etp̃eti nik ko jinibb nga marlik tevim renge live laut ne nawot som, ko sete parlinglingi nevöt ne nawot nen san p̃ijnget jer renge pisan. Suri nik sete kurongwose daron nga lelingenok nga Atua muwra p̃ila som.”

Nosp̃en nga M̃irres se Iesu Kristo nga Luk Muli 2:20

Ko jinibb nga marok-metmete sipsip arlulwi, ko arsurövi Atua, arwera erres tevi ni renge nanu jile nga marunge ko marlesir mirpe nga anglo muwrai tevir.

Nosp̃en nga M̃irres se Iesu Kristo nga Luk Muli 24:19

Ko Iesu osusi tevi nuru owra “Isev ko nir?” Ko nuru orwera lweni tevi orwera “Nanu nga marpelari renge Iesu ne Donasret. Ni evi propet san, ko renge no Atua ko renge no jinibb nir, ni evi jinibb nga milep san renge majingen sen ko renge nale sen nir.

Nosp̃en nga M̃irres se Iesu Kristo nga Luk Muli 5:26

Ko jinibb jijle bbösa nga milep elair e ko armetutu elep, ko arsurövi Atua arwera “Aro, lelingen rramlesi nanu nga m̃inijnije san.”

Nosp̃en nga M̃irres se Iesu Kristo nga Luk Muli 5:8

Ko Saemon Pita etaol lenglengen e ko ejipa ngatan renge b̃ela Iesu ko owra “Numal wurru kupruj ngasue inu, suri nuvi jinibb nga m̃esij.”

Nosp̃en nga M̃irres se Iesu Kristo nga Luk Muli 7:15

Ko m̃er wela nga mimij emra ko elik, ko erij luwi. Ko Iesu ela lweni m̃er wela tevi tasu sen.

Nosp̃en nga M̃irres se Iesu Kristo nga Luk Muli 7:39

Parasi nga miveruse Iesu nga pivini p̃iaan tevi m̃ilesi, ko orrorrmi renge nolon owra “M̃erel poro weretunen pivi propet, ko purongwose ko nesevin nga mirpese le ngel nga mijpari. Nesevin ngel evi vin nga m̃isij!”

Nosp̃en nga M̃irres se Iesu Kristo nga Luk Muli 8:37

Ko nir jijle nga marlik renge Gerasa ko nga marlik rrerrale ie arsurtoni tertere Iesu pivel lingi vanu ser, suri armetutu elep. Ko Iesu evan esa van renge drrav, ko drrav etipatun nga puwlu.

Nosp̃en nga M̃irres se Iesu Kristo nga Luk Muli 9:19

Ko nir arwera lweni tevi ni, “Sopor arwera Jon Baptaes, ko sopor arwera Elaeja, ko sopor arwera propet nga tuwi san emaur luwi kele.”

Nosp̃en nga M̃irres se Iesu Kristo nga Jon Muli 1:21

Ko ngok arsusi kele tevi ni, “Ia, ko nik kuvi isi, Elaeja?” Ko Jon owra “Ejki, inu ejki.” Ko arwera “Ia, ko nik kuvi ma Propet nen?” Ko Jon owra “Ejki.”

Nosp̃en nga M̃irres se Iesu Kristo nga Jon Muli 1:25

Ko nir arsusi tevi Jon “Poro nga nik ngok sete kuvi Mesaea rreknga Elaeja rreknga propet nen, ko suri sev komok-loli baptaes?”

Nosp̃en nga M̃irres se Iesu Kristo nga Jon Muli 4:19

Vinnen owra lweni tevi, “Numal, nurnge nibek nen nga nik kuvi propet san.

Nosp̃en nga M̃irres se Iesu Kristo nga Jon Muli 6:14

Ko daron nga delung nen nir marlesi nelesien nga muloli, ko arwera “M̃erel evi propet nen weretunen le pa nga marwera pia-vini iel ngatan!”

Nosp̃en nga M̃irres se Iesu Kristo nga Jon Muli 9:17

Ko Parasi nir arsusi kele tevi metrrorr, arwera “Erpe nik, kumwerai ololi metem nuru orres. Ko nik kurrorrmi m̃ernen evi isi ko?” Ko metrrorr owrai tevir, “Evi propet ko san.”

Majingen se Aposol Nir 5:5

Ko Ananaeas, daron nga murnge nale sen ngok, ko eil jubbul vitan, ko emij pin. Ko nir nga marunge nanu ngel, metuen nga milep evini rer suri.

Majingen se Aposol Nir 7:37

Ko Moses ngok kobbong nga muwrai tevi m̃eri Isrel nir nga muwra ‘Atua pususture propet san re kami pirpe nga mususture inu. Ko ni pivi kele san re kami san.’

Galesia 1:24

Ko arsurövi Atua suri inu.