Nosp̃en nga M̃irres se Iesu Kristo nga Luk Muli 7:13 - Uripiv

¹³ Ko daron nga Numal m̃ilesi vinnen, ko orrorrmi lenglenge, ko owrai tevi owra “Sete kupting te pijki.”

Nosp̃en nga M̃irres se Iesu Kristo nga Luk Muli 7:13 Mawu Ofanana

Nosp̃en nga M̃irres se Iesu Kristo nga Mak Muli 8:2

“Nurrorrmi lenglengen e delung ngel nir elep, suri arlik tevik nabong itul le pa, ko sete artori jere mun nanu san nga parurroi.

Nosp̃en nga M̃irres se Iesu Kristo nga Luk Muli 10:1

Vitunen renge nanu ngel nir marsuw vajin, ko Numal otobbtobbue nir m̃inij kele sopor arivi jinibb sen. Nir ngavöl ebut drromon eru, ko ni okoni tweni nir ererwi arivel arwowomu renge ni van renge ngaim ko vanu jile nga ni pia-vivitu van renger.

Nosp̃en nga M̃irres se Iesu Kristo nga Luk Muli 11:1

Nabong san Iesu esan evan olot renge lat san. Ko daron nga musuw vajin ko olwi vini ji jinibb sen e nir. Ko jinibb sen san owrai tevi, “Numal, kupvisviseni kem e loten, pirpe Jon mivisviseni jinibb sen e nir marok-lot.”

Nosp̃en nga M̃irres se Iesu Kristo nga Luk Muli 11:39

Ko Numal owrai tevi m̃ernen, “Kami Parasi kamok-rrawe vare ne biles nir ko plet nir, ko renge nolo kami nir arwun saute nanu nga marsij nir.

Nosp̃en nga M̃irres se Iesu Kristo nga Luk Muli 12:42

Ko Numal owra lweni tevi “Ia, ko kuprunge ta nale ngel: Jinibb si nga m̃ilngi nolon re majingen nga numal sen m̃ila tevi, ko evi jinibb ne majingen nga norongwosien sen mutoe. Ni evi jinibb san nga numal sen p̃ilngi pimetmete naim sen jile, ko p̃ila nanen tevi jinibb sen nir renge daron mawos nen.

Nosp̃en nga M̃irres se Iesu Kristo nga Luk Muli 13:15

Ko Numal owra lweni tevi owra “Kami nga kamiel renge sel eru! Sete kami sisamis kamok-telasi buluk se kami rreknga dongki se kami renge nabong ne Sapat, ko kamok-iler van renge nuwi parminmin?

Nosp̃en nga M̃irres se Iesu Kristo nga Luk Muli 17:5

Ko aposol nir arwerai tevi Iesu arwera “Numal, kuploli nosurien se kem puruj kele wor van mare.”

Nosp̃en nga M̃irres se Iesu Kristo nga Luk Muli 17:6

Ko Numal owra lweni tevir owra “Po, ko poro nosurien se kami puwelili bbong pirpe jelangi nubek, ko kamrongwos kapwerai tevi nai sikmon nga milep ngel, ‘Nik lweni kuprrangi twenim ko kupan kuptur renge dis,’ ko ni puloli kobbong pirpe nga kami kamwerai ngok ko tevi.

Nosp̃en nga M̃irres se Iesu Kristo nga Luk Muli 18:6

“Ko kami kamrunge sev nga numal nga m̃isij nen muwrai.

Nosp̃en nga M̃irres se Iesu Kristo nga Luk Muli 19:8

Ko daron nga marsakel vajin re naim se Sakias, ko Sakias otur mare ko owrai tevi Numal owra “B̃ela wukari jorok nir; devjen bea-lai tevi b̃eres nir, ko devjen pivi suk. Ko poro nuvnae pa joro jinibb san, ko bea-la lweni nanu pivij bea-kele e.”

Nosp̃en nga M̃irres se Iesu Kristo nga Luk Muli 22:61

Ko Numal erieni ko oklu emteni Pita. Ko Pita orrorrmi sweri nale se Numal nga muwrai womu pae tevi, nga muwrai mirpel, “Lelingen kobbong, renge nata mupong nga lelingen, nato setewor pukokrout ko, ko nik kupvilvil ore inu pivatul ko pa pusuw.”

Nosp̃en nga M̃irres se Iesu Kristo nga Luk Muli 24:3

Ko arjiol van ngatan ko arsil van renge lolo dubb, ko sete arlesi nibe Numal Iesu.

Nosp̃en nga M̃irres se Iesu Kristo nga Luk Muli 24:34

Ko aposol nen nir ko nir nga marpitevir ngok arij womu tevi nuru, arwera “Numal emaur luwi weretunen! Ni eplari ji Saemon.”

Nosp̃en nga M̃irres se Iesu Kristo nga Luk Muli 7:12

Ko daron nga maran mori renge ngaim nen metali ne naworr nen, ko arlesi jinibb sopor marwosi tweni bipiwarreng san nga mimij, paran partevni. Bipiwarreng wel nen, tasu sen diwen sen emij lingi pa osuw, ko vinnen natun sansan wel nen ko pa. Ko delung elep nga renge ngaim nen arpitevi vinnen.

Nosp̃en nga M̃irres se Iesu Kristo nga Luk Muli 7:14

Ko oruj van mori ko ejpari drrav nga mimatur rengen, ko jinibb nga marwosi artur murrong tevi. Ko owra “Nanwarreng, nuwrai tevim, kupmera!”

Nosp̃en nga M̃irres se Iesu Kristo nga Luk Muli 7:19

Ni owrai tevi nuru poran ji Numal porwerai tevi, “Jon owra ‘Nik kuvi pa m̃er nga pivini le, rreknga kem nabtiriv malume san kele wor?’ ” Ko ni okoni tweni nuru.

Nosp̃en nga M̃irres se Iesu Kristo nga Luk Muli 8:52

Ko jinibb nir artengsi vin wel nen, drrelar elep. Ko Iesu owra “Sete kapting, nesenwarreng sete emij te ejki, ematur kobbong.”

Nosp̃en nga M̃irres se Iesu Kristo nga Jon Muli 11:2

Merri ngel evi vin nga vitunen ko mia-jivi senta nga mapun m̃irres renge b̃ela Iesu ko mia-tewasi jomro batun e. Vinel ko tuwan Lasros mimsi nen.

Nosp̃en nga M̃irres se Iesu Kristo nga Jon Muli 11:3

Ngok nesen niaken ngel ko nuru orla nale ngel van ji Iesu, “Numal, selem nga kumrreni milep emsi.”

Nosp̃en nga M̃irres se Iesu Kristo nga Jon Muli 20:13

Ko orsusi tevi vinnen, orwera “Nesevin, kuting suri sev ko?” “Suri nga marla tweni Numal suk, ko sete nurongwose arlingi nibeni.”

Nosp̃en nga M̃irres se Iesu Kristo nga Jon Muli 20:15

Iesu osusi tevi owra “Erpese nga nik kumting? Kupej isi ko?” Vinnen orrorrmi rreknga evi jinibb nga mok-metmete nai olip nen nir, ko owrai tevi, “M̃erel, poro nga nik kuwosi tweni, ko kupwowrai tevik, ko inu bean bowosi lweni.”

Nosp̃en nga M̃irres se Iesu Kristo nga Jon Muli 4:1

Ko mian ko Parasi nir arunge nga Iesu jinibb sen nir milep m̃iasie Jon vajin, ko nga Iesu mipaptaese jinibb milep m̃iasie Jon. (Ko ewretun, Iesu sete epaptaese jinibb nir, ejki, ko jinibb sen kobbong nir arok-paptaese jinibb nir.)

Nosp̃en nga M̃irres se Iesu Kristo nga Jon Muli 6:23

Drrav m̃inij sopor ne Taepirias arwolu veut morie lat nga meling jinibb nga milep marurroi niv e nga Numal muwra erres rer womu tevi Atua, ko vitunen ko mara-urroir.

Korin 1 7:30

Ko jinibb nga mokting, erres nga p̃ilik pirpe jinibb nga dingen mijki jin. Ko jinibb nga mokir, erres nga p̃ilik pirpe jinibb nga sete mokir. Ko jinibb nga mok-wulwul, erres nga p̃ilik pirpe jinibb nga nijor sen mijkie.

1 Tesalonaeka 4:13

Tasi kem nir, nammerreni kaprongwose erpese renge kalesia nir nga marmij pa. Sete nammerreni nga kami kapting ko kaprunge p̃isij pilep suri nir pirpe lartul nga norrorrmien ser sete muto renge Atua, ko nga sete marteravi nanu san jin.

Ibrus 2:17

Ko norrorrmien se Atua erpok, elesi erpe Iesu pivini pivi niaken kobbong tevi kerr renge nanu jijle nir. Ko kerr rraptur p̃iterter ko wor renge nosurien se kerr renge majingen nga Iesu ololi tevi Atua suri nololien se kerr, nga puloli no kerr p̃irres tevi Atua. Erpe ni evi batu jinibb sulsulen se kerr nga mokrrorrmi kerr.

Ibrus 4:15

Jinibb sulsulen ngok sete erpe jinibb sulsulen m̃inij nir, nga daron nga derteren se kerr mijkie ko sete marong pote kerr. Ko nanu jijle nga marok-rrowrrowe jinibb arrowrrowe ni kele. Ni orongwos rrerrarre pa osuw. Ko nanu sansan kobbong, ni nololien sen ejkie.