Nosp̃en nga M̃irres se Iesu Kristo nga Luk Muli 6:12 - Uripiv

¹² Renge daron nen Iesu otongsa van mare renge botwen nga pulot, ko ni elik rrarren renge ie nutpong san nga mulot van ji Atua.

Nosp̃en nga M̃irres se Iesu Kristo nga Luk Muli 6:12 Mawu Ofanana

Matiu 5:1

Daron nga Iesu m̃ilesi delung nir, ko otongsa van mare renge botwen san ko elik ngatan. Ko jinibb sen nir arini jin, arlik rrale.

Matiu 6:6

Ko nik ma, daron nga nik kuplot, kupan renge naim som ko kupkikiorore metali, ko kuplot van ji Tata som nga m̃ilik silveni. Ko Tata som nga m̃ilesi nanu nga muto silveni pia-lai nowlim tevim.

Nosp̃en nga M̃irres se Iesu Kristo nga Mak Muli 1:35

Renge rorpong susu nat nga p̃isal p̃irin, ko Iesu emremra esan evel van renge lat nga nat mubbubbil e san, ko olot ie.

Nosp̃en nga M̃irres se Iesu Kristo nga Mak Muli 3:13

Mian ko Iesu otongsa tevi jinibb sen p̃etp̃eti nir van renge botwen nga muwu mare milep san. Ko renge marongen se ni, ni everus nir esngavöl drromon eru (12) arini mori jin, ko otobbtobbue nir.

Nosp̃en nga M̃irres se Iesu Kristo nga Mak Muli 6:46

Vitunen renge mukoni tweni jile nir marivel e, ko ni esan vajin evel otongsa van renge botwen nga pulot.

Nosp̃en nga M̃irres se Iesu Kristo nga Luk Muli 5:16

Ko evi murrun sen nga renge nabong jile ok-ivel lingir, ko ok-san ok-an renge lolo merwer e, ok-lot mun ie.

Nosp̃en nga M̃irres se Iesu Kristo nga Luk Muli 6:11

Ko nir arlolar lengleng ko arsupsup̃e lululweni tevi nir nga parloli sev tevi Iesu.

Nosp̃en nga M̃irres se Iesu Kristo nga Luk Muli 6:17

Ko Iesu ojubbul tevi jinibb sen nir vini ngatan e renge numiv san ko otur rengen. Ko jinibb sen elep, ko delung elep ne Jutia ko Jerusalem, ko nga renge jeljeli dis ngalu renge Taea ko Saeton.

Nosp̃en nga M̃irres se Iesu Kristo nga Luk Muli 9:18

Mian ko nabong san Iesu kis bbong oklot, ko jinibb sen nir arini jin. Ko ni osusi tevir owra “Jinibb nir arwera inu nuvi isi?”

Nosp̃en nga M̃irres se Iesu Kristo nga Luk Muli 9:28

Nabong owil asi osuw, vitunen ko Iesu ela Pita ko Jon ko Jemes arpitevi ni. Ko nir kis arsan artongsa van renge botwen nga ni pulot.

Nosp̃en nga M̃irres se Iesu Kristo nga Luk Muli 9:29

Ko renge daron nga mulot e ko non erieni enij kele e, ko sunsun sen owraprap titis.

Nosp̃en nga M̃irres se Iesu Kristo nga Jon Muli 6:3

Ko Iesu otongsa van mare renge botwen san, ko elik tevi jinibb sen nir ie.

Kolosi 4:2

Kami kapok-lot tevi nolo kami nga marterter tetajer. Kapkulkulu p̃irres renge loten se kami, ko kapok-wera ‘erres’ tevi Atua.

Ibrus 5:7

Renge mauren sen iel ngatan, Iesu ongoni eterter tevi dingen sen nga suwen meten mujumjum tevi Atua, nga Atua piwilwil sen, sete mia-mij. Ko suri norrorrmien sen ean ngatan, ololi Atua ornge drrelan.