Nosp̃en nga M̃irres se Iesu Kristo nga Luk Muli 5:16 - Uripiv

¹⁶ Ko evi murrun sen nga renge nabong jile ok-ivel lingir, ko ok-san ok-an renge lolo merwer e, ok-lot mun ie.

Nosp̃en nga M̃irres se Iesu Kristo nga Luk Muli 5:16 Mawu Ofanana

Matiu 14:23

Daron nga mukoni tututweni delung nir marivel musuw, ni esan otongsa van re botwen nga pulot. Olot mian, ko nat opong vajin, ko ni esan malum iok.

Nosp̃en nga M̃irres se Iesu Kristo nga Mak Muli 6:46

Vitunen renge mukoni tweni jile nir marivel e, ko ni esan vajin evel otongsa van renge botwen nga pulot.

Nosp̃en nga M̃irres se Iesu Kristo nga Luk Muli 3:21

Ko daron nga setewor Erot m̃ilngi Jon re naim ne nekaien, ko Jon epaptaes jile jinibb nir osuw, ko vitunen vajin ko epaptaese Iesu. Ko renge daron mawos nga pa mipaptaese ngok ko, ko Iesu olot ko melrin eteri wukari etp̃ir.

Nosp̃en nga M̃irres se Iesu Kristo nga Luk Muli 6:12

Renge daron nen Iesu otongsa van mare renge botwen nga pulot, ko ni elik rrarren renge ie nutpong san nga mulot van ji Atua.

Nosp̃en nga M̃irres se Iesu Kristo nga Luk Muli 9:28

Nabong owil asi osuw, vitunen ko Iesu ela Pita ko Jon ko Jemes arpitevi ni. Ko nir kis arsan artongsa van renge botwen nga ni pulot.

Nosp̃en nga M̃irres se Iesu Kristo nga Luk Muli 9:29

Ko renge daron nga mulot e ko non erieni enij kele e, ko sunsun sen owraprap titis.

Nosp̃en nga M̃irres se Iesu Kristo nga Jon Muli 6:15

Iesu ornge renge niben nen, orongwose nga parini paron tertere ni nga pivi numal ser. Ko ni evel esan evan renge botwen e.