Nosp̃en nga M̃irres se Iesu Kristo nga Luk Muli 5:11 - Uripiv

¹¹ Ko nir arsu e drrav ser van ngaut e, arrerrseni renge dep̃inan. Ko arivel lingi, tevi joror jile nir nga marto rengen. Ko arvijuri Iesu, arivi jinibb sen vajin.

Nosp̃en nga M̃irres se Iesu Kristo nga Luk Muli 5:11 Mawu Ofanana

Matiu 10:37

“Ko poro jinibb san pimrreni tata sen rreknga tasu sen womu re inu, ko sete erres re pivi jinibb suk. Ko ni nga mimrreni natun norman rreknga nesevin womu re inu, ko sete erres kele re pivi jinibb suk.

Matiu 19:27

Ko Pita erij weli, owra lweni tevi: “Kuplesi kem, namlinglingi joro kem jile arjipon, ko namini namvijuri nik. Naba-la sev p̃irres ren?”

Matiu 19:29

“Ko nir jile kele nga marivel lingi naim ser nir rreknga tuwar nir rreknga jojir nir rreknga tata ser rreknga tasu ser rreknga natur nir rreknga dan ser suri marongen suk, lartul nen nir para-la weli vajin renge iok pijpari pungut pivesan, ko para-lai kele mauren ne tuwi ngok vini.

Matiu 4:20

Ko ngavilvil nuru orlinglingi niva se nuru ko orvijuri ni.

Matiu 4:22

Ko ngavilvil nuru orlinglingi drrav ko tata se nuru, ko orvijuri ni.

Nosp̃en nga M̃irres se Iesu Kristo nga Mak Muli 10:21

Ko Iesu oklu emteni, ko emrreni elep ko owrai tevi ni, “Nanu sansan kobbong setewor kuloli. Kupan kupwulwule jorom nir ko kuplai nowlir tevi b̃eres nir. Ko nik nowlim puto renge melrin. Ko nik kupini vajin kupvijurik.”

Nosp̃en nga M̃irres se Iesu Kristo nga Luk Muli 5:28

Ko ni otur imare, evel lingi joron jile nir arjipon ko evijuri Iesu.