Nosp̃en nga M̃irres se Iesu Kristo nga Luk Muli 4:32 - Uripiv

³² Ko jinibb artaole nevisvisenien sen, suri nale sen nir arrow erres.

Nosp̃en nga M̃irres se Iesu Kristo nga Luk Muli 4:32 Mawu Ofanana

Nosp̃en nga M̃irres se Iesu Kristo nga Mak Muli 1:22

Ko daron nga jinibb nir marmurrarrong suri ni nevisvisenien sen e ko bbösa elair e. Suri ni nevisvisenien sen orrow erres, sete erpe nevisvisenien se jinibb nevisvisenien ne nale nesesreien nir.

Nosp̃en nga M̃irres se Iesu Kristo nga Luk Muli 2:47

Ko nir jile nga marunge nale sen bbösa elair e, suri marunge renge rijen sen nga mok-rij weli lweni nale se jinibb nevisvisenien se m̃eri Isrel nir, nga norongwosien sen elep.

Nosp̃en nga M̃irres se Iesu Kristo nga Luk Muli 4:33

Ko jinibb san nga nem̃in nga marsij marsisilvi elik ie renge loloim ne naim ne loten. Ko ekail drrelan evan mare lengleng,

Nosp̃en nga M̃irres se Iesu Kristo nga Luk Muli 4:36

Ko bbösa nga milep elair e, ko arsup̃sup̃e lulweni nir e arwera “Aro, nale sev le ngel? Ni nale sen otutun, muwrai tevi nem̃in nga marsij ko arivare arvesane.”

Nosp̃en nga M̃irres se Iesu Kristo nga Jon Muli 6:63

Nem̃in ko evi nga m̃ilai mauren, niben sete orongwos puloli nanu pisan. Nale nga mowrair tevi kami arivi nem̃in ko armaur.

Nosp̃en nga M̃irres se Iesu Kristo nga Jon Muli 7:46

Jinibb ne no nuval nen nir arwera lweni tevir, “Sete nabong san jinibb san erij erpe m̃erel m̃irij.”

Korin 2 4:2

Ko namtur ngasue sel nga marloli silveni nanu nga marsij nir. Sete namvijuri gerkerisen, ko sete namrieni nale se Atua pivi gerkerisen, ko nomok-werwer limjer re weretunen. Jinibb jijle arongwose, ko Atua kele erij se kem nga namweretun.

1 Tesalonaeka 1:5

Suri daron nga kem namwerai tweni nosp̃en ngel nga m̃irres tevi kami, ko sete evi nale nawon, ejki. Ko Atua elai pa derteren sen ko Nem̃in On sen orpitevi nale se kem, ko ololi kamrongwose erres nga evi nale weretunen. Ko kamrongwose, liken se kem omomsawos erres daron nga namlik tevi kami. Ko namloli erpok nga piviseni sel tevi kami.

Taetas 2:15

Kupwera nale ngok tevi jinibb som nir. Ko kupsusture norrorrmien ser, ko kuprij p̃iterter nga kupwer ore murrun nga m̃isij se nir renge derteren jile nga muto jim. Ko sete kuploli jinibb san puklu wutan re nik.