Nosp̃en nga M̃irres se Iesu Kristo nga Luk Muli 24:45 - Uripiv

⁴⁵ Ko ni owni norrorrmien ser arkulu nga parongwose nale ne Naul On nir p̃irres.

Nosp̃en nga M̃irres se Iesu Kristo nga Luk Muli 24:45 Mawu Ofanana

Nosp̃en nga M̃irres se Iesu Kristo nga Luk Muli 24:32

Ko nuru kis vajin orwerwera lululweni tevi nuru, orwera “Po! Nile ma wor daron nga rramiel renge sel e ko muwra visviseni Naul On nir tevi kerru, ko nolo kerru eir.”

Majingen se Aposol Nir 16:14

Nesevin nen san nga mokmurrong nen nisen Litia, nga mokwulwule nijor nga nowlin milep ko musongsong mupongpong m̃irres re ngaim ngok Taeatira. Ko ni evi vin nga moksurövi Atua. Numal etasi nolon nga m̃ilngi norrorrmien sen vajin eterter re nale se Pol.

Majingen se Aposol Nir 26:18

Kupa-loli jinibb ne vare nir parmeteni wose. Kuprieni norrorrmien ser nga parlinglingi nemalik ko parini re moron. Kuprienir nga parlinglingi derteren se Demij ko parini vajin re derteren nga milep se Atua, ko Atua p̃itlasi tweni vajin nololien ser. Ko nosurien ser renge inu p̃itkair vajin nga parini parivi jinibb nga maron se Atua.”

Epesas 5:14

Suri nanu jijle nga moron mimor vaseni arirpe vajin moron. Niko nubo san muwra ‘Kupmera, nik nga kummatur Kuptur imare re mijen Ko Kristo pia-mor vasenim.’

1 Jon 5:20

Ko rramrongwose nga Natu Atua evini pa iel ngatan, ko elai pa derteren tevi kerr nga rraprongwose Atua weretunen. Ko mauren se kerr okorti tevi Atua nga mivi weretunen, suri mauren se kerr okorti pa tevi Natun Iesu Kristo. Ngok ko Atua nga mivi weretunen, ko ngok ko mauren nga sete murongwose pusuw nabong sopon.

Bori se Jon 3:7

Ko owrai tevik owra “Kupuli tweni nale suk ko kuplai van ji anglo se kalesia nir nga Pilatelpia, ko kupwera tevir nga ngel evi nale suk, nga inu mon temijpal ko mewretun. Inu nutori totkoni ki ngok nga mivi se Devet tuwi, ko daron nga m̃etasi metali ko sete san orongwose p̃ikikior kele; ko daron nga m̃ekikior, ko sete san orongwose p̃itasi kele.