Nosp̃en nga M̃irres se Iesu Kristo nga Luk Muli 2:25 - Uripiv

²⁵ Ko b̃irtera san elik renge Jerusalem renge daron nen, nisen Simeon. Ni evi b̃irtera nga mumomsawos m̃irres, ko evi jinibb se Atua nga mimtutu ko etriv terai p̃ilesi m̃er nga p̃ilai mauren tevi m̃eri Isrel nir. Ko Nem̃in On se Atua eptevi ni,

Nosp̃en nga M̃irres se Iesu Kristo nga Luk Muli 2:25 Mawu Ofanana

Nosp̃en nga M̃irres se Iesu Kristo nga Mak Muli 15:43

Josep ne Aramatia evan loloim ji Paelat. Sete emtutu te, ongoni tevi nga p̃ilai nibe Iesu. Josep nen evi jinibb san nga nir martori renge gortien ser m̃irres, ko ni kele oktirive nga p̃ilesi batun vanu se Atua pivini.

Nosp̃en nga M̃irres se Iesu Kristo nga Luk Muli 1:41

Ko daron nga Elisapet moka-runge nale se Merri, ko bipi nga mimatur renge depain eir ko ewrrir renge depain, ko Elisapet owun saute Nem̃in On.

Nosp̃en nga M̃irres se Iesu Kristo nga Luk Muli 1:6

Nuru korti orivi jinibb nga mormawos m̃irres renge no Atua. Orivel lilane renge nale nesesreien se Atua nir ko nale nesesreien nir.

Nosp̃en nga M̃irres se Iesu Kristo nga Luk Muli 1:67

Ko tata sen Sekaraea Nem̃in On evini esilvi, ko owun saute. Ko erij erpe propet owra

Nosp̃en nga M̃irres se Iesu Kristo nga Luk Muli 2:38

Ko Ana evini renge loloim ne Naim On renge daron mawos nga Simeon m̃irij m̃irres suri bipi e. Ko omurrarrong suri nale nga muwrair suri bipi ngel, ko owra erres elep tevi Atua suri. Ko osp̃e suri tevi jinibb jijle nga martiriv tera Atua p̃itlasi tweni m̃eri Isrel nir.

Majingen se Aposol Nir 10:2

Ni evi jinibb san nga mukorti pa tevi m̃eri Isrel nir mok-surövi Atua, tevi jinibb nir ne naim sen kele; ko oklai kele merrenien elep tevi m̃eri Isrel nga joror ewelili. Ko tetajer oklot van ji Atua.

Majingen se Aposol Nir 10:22

Ko nir arwerai lweni arwera “Numal Konilias ko okoni kem. Evi jinibb nga m̃irres nga moksurövi Atua. M̃eri Isrel kele armerreni ni. Anglo se Atua nga muon ko san owra Konilias pukoni kem vinuk jim nga puloli purnge sev nga kupwerai.”

Majingen se Aposol Nir 2:5

Ko m̃eri Isrel elep nga marok-lot arivel renge vanu jijle nir ne iel ngatan, arini arlik renge Jerusalem re daron ngok.

Majingen se Aposol Nir 24:16

Ko suri iok, niko nuplak tetajer nga bevijuri sel nga mumosawos m̃irres renge sev nga mololi tevi Atua ko tevi jinibb kele.

2 Pita 1:21

Suri nale se propet nir sete eplari renge nir bbong norrorrmien ser, ejki, ko arvijuri wor derteren nga mivel ji Nem̃in On vini daron nga marlai nale nga mivel ji Atua vini.