Nosp̃en nga M̃irres se Iesu Kristo nga Luk Muli 19:37 - Uripiv

³⁷ Ko daron nga ni mivini mori Jerusalem e renge lat nga sel mujubbul van ngatan e renge Botwen ne lolnai ne olip e, ko delung jile nga marivi jinibb sen nir artipatun arir ko arsurövi Atua, drrelar elep van mare, suri nanu nga marinijnij nawone nir nga marlesir.

Nosp̃en nga M̃irres se Iesu Kristo nga Luk Muli 19:37 Mawu Ofanana

Matiu 21:1

Ko mian ko vitunen arini morie Jerusalem, ko arini re ngaim san nisen Betpas nga muto morie botwen san nga marveruse Botwen ne lolnai ne olip. Ko Iesu owrai tevi jinibb sen eru:

Nosp̃en nga M̃irres se Iesu Kristo nga Luk Muli 19:20

Ko nir itolin kele evini, ko owra ‘Numal, kuplesi nevöt som le ngel. Inu nulai ko nunbunb̃e ore e kalek e, ko nulngi oto.

Nosp̃en nga M̃irres se Iesu Kristo nga Luk Muli 18:43

Ko meten oklu evesane. Ko evijuri Iesu, ko osrövi Atua. Ko daron nga delung nir marlesi e, ko arsurövi Atua.

Nosp̃en nga M̃irres se Iesu Kristo nga Luk Muli 7:16

Ko jinibb jijle nolor arwun saute metutuen. Ko arsurövi Atua arwera “Propet nga milep san otur imare renge livö renge kerr!”, ko arwera kele “Atua evini nga p̃ila mauren tevi jinibb sen nir.”

Nosp̃en nga M̃irres se Iesu Kristo nga Mak Muli 14:26

Ko daron nga marla jile nubo san ko arivare arivel van renge botwen ne lolnai ne olip e.

Nosp̃en nga M̃irres se Iesu Kristo nga Mak Muli 13:3

Iesu oksakel renge Botwen ne lolnai ne olip, ko oklu mawose Naim On se Atua. Ko Pita ko Jemes ko Jon ko Antru arsusi silveni bbong tevi ni,

Nosp̃en nga M̃irres se Iesu Kristo nga Luk Muli 19:29

Ko daron nga marini mori Betpaj e ko Betani renge botwen nga marveruse Botwen ne lolnai ne olip, ko ni okoni jinibb sen eru,

Nosp̃en nga M̃irres se Iesu Kristo nga Luk Muli 19:36

Ko daron nga mivel suri sel e ko nir sopor kele arla sunsun ser ko arp̃elsenir renge sel.

Nosp̃en nga M̃irres se Iesu Kristo nga Jon Muli 12:18

Nanu ngok ko muloli delung elep kele wor aran jin rengen, suri nga marunge nelesien nen nga muloli.