Nosp̃en nga M̃irres se Iesu Kristo nga Luk Muli 13:2 - Uripiv

² Ko Iesu owra lweni tevir “Ko ngok suri mirpok ngok, kami kamrrorrmi m̃eri Galili ngel nir arsij womu ne wor m̃eri Galili jijle nir, suri nga marpal mirpok?

Nosp̃en nga M̃irres se Iesu Kristo nga Luk Muli 13:2 Mawu Ofanana

Nosp̃en nga M̃irres se Iesu Kristo nga Luk Muli 13:1

Ko jinibb sopor arlik ie renge daron nen ko arini ji Iesu. Ko arsup̃e suri m̃eri Galili sopor nga marloli sulsulen van ji Atua, ko Paelet otur imare ko erevji pinir re daron mawos nga marloli sulsulen.

Nosp̃en nga M̃irres se Iesu Kristo nga Luk Muli 13:3

Inu nuwrai tevi kami, Ejki. Poro kami sete nolo kami pulululwi renge nololien se kami nir nga kamok-lolir, kami kele kapmij kapjijki pirpe nir.

Nosp̃en nga M̃irres se Iesu Kristo nga Luk Muli 13:4

Ko nir esngavöl drromon owil (18) nga naim nga muwu mare renge Saeloam mimav ko mirevji pinir; kami kamrrorrmi nir arsij wor easie nir m̃inij nen nir nga marlik renge Jerusalem?

Nosp̃en nga M̃irres se Iesu Kristo nga Jon Muli 9:2

Ko jinibb sen nir arsusi tevi ni, arwera “Jinibb nevisvisenien, isi ko ololi nololien, ololi m̃iak ko meten murrorr? ni, rreknga tata sen rreknga tasu sen?”

Majingen se Aposol Nir 28:4

Ko daron nga jinibb ne ie marlesi nga num̃et murrurrul re nevre Pol, ko arlongwis lululweni tevir arwera “O, kulesi rramwerai, morok evi wor jinibb nga mokrevji jinibb ko! Ko easi bbong sete orron re dis, ko melrin nga musorsan sete emarong nga ni pimaur.”