Nosp̃en nga M̃irres se Iesu Kristo nga Luk Muli 11:15 - Uripiv

¹⁵ Ko jinibb sopor arwera “Bielsepul ko, numal se demij nir, ela derteren ngok tevi, niko mok-oji tweni demij nir ngok e.”

Nosp̃en nga M̃irres se Iesu Kristo nga Luk Muli 11:15 Mawu Ofanana

Matiu 10:25

Jinibb san purnge p̃irres kobbong nga pirpe numal sen. Ko poro san piveruse numal san puwra ‘Bielsepal’ (ngok evi nise numal se demij nir), ko pia-rij pia-sij kele wor tevi jinibb sen nir, suri jinibb sen nir arivi jinibb nga welili kobbong.

Matiu 12:22

Ko vitunen arpitevi jinibb san nga demij m̃isisilvi ko mivi metrrorr ko nabbut vini ji Iesu. Ko ni ololi erres luwi, ko erij vajin ko okluklu.

Matiu 4:24

Mian ko nosp̃en sen arsup̃e renge Siria jile. Ko jinibb nir arwosi jinibb jijle nga marmesi vini jin. Armesi mesien lele: sopor niber arerer, ko sopor demij esisilvir, ko sopor nem̃i nai ololir armijmij, ko sopor nga niber sopor mimij. Ko ololi nir arres luwi.

Matiu 9:34

Ko Parasi nir arwera “Wi, ok-ojoji tweni demij suri ni elai derteren sen ji numal se demij nir.”

Nosp̃en nga M̃irres se Iesu Kristo nga Jon Muli 10:20

Nir elep arwera “Demij esisilvi ko epapa nawone! Erpese kami kammurrarronge?”

Nosp̃en nga M̃irres se Iesu Kristo nga Jon Muli 7:20

Delung arwera lweni tevi, “Demij oto rem! Isi owra pirevji pinim?”

Nosp̃en nga M̃irres se Iesu Kristo nga Jon Muli 8:48

M̃eri Isrel nir arwera lweni tevi, arwera “Namweretun, namwera nik kuvi m̃eri Sameria, ko demij esisilvi nik!”

Nosp̃en nga M̃irres se Iesu Kristo nga Jon Muli 8:52

M̃eri Isrel nen nir arwera lweni tevi ni, “A! Re iok vajin, nama-rongwose erres nga nik demij esisilvim. Epram emij pa, ko propet nir armij pa, ko nik kuwra poro san putori totoni nale som, ko m̃ernen sete mia-lesi mijen!