Nosp̃en nga M̃irres se Iesu Kristo nga Luk Muli 1:20 - Uripiv

²⁰ Ko kuplesi, nik kupivi nabbut, sete kuprongwos kuprij kupwera nale pisan, p̃itipatun lelingen ngel ko pijpari daron nga nanu ngel nir para-pelari e. Suri nga nik sete kuosuri nale suk nir, nga para-pelari renge nabong nen mawos.”

Nosp̃en nga M̃irres se Iesu Kristo nga Luk Muli 1:20 Mawu Ofanana

Nosp̃en nga M̃irres se Iesu Kristo nga Mak Muli 16:14

Ko vitunen Iesu eplari kele ji jinibb sen esngavöl drromon san, renge daron nga marsakel maraan e. Ko ni otortorir suri norrorrmien ser sete otoe ko sete marosuri lartul nga marwerai nga marlesi ni mimaur luwi renge mijen.

Nosp̃en nga M̃irres se Iesu Kristo nga Mak Muli 9:19

Ko Iesu owrai tevir owra “Kami dul ngel sete kamosuri ko! Beptevi kami pijpari seveling? Bornge p̃isij suri kami pijpari seveling? Kaptekai ni pivini jik!”

Nosp̃en nga M̃irres se Iesu Kristo nga Luk Muli 1:19

Ko anglo erij luwi tevi owra “Inu nuvi Gapriel nga motur renge no Atua, ko ni okoni inu nga bowrai tevim nosp̃en nga m̃irres ngel.

Nosp̃en nga M̃irres se Iesu Kristo nga Luk Muli 1:21

Ko renge daron nen artirive Sekaraea, ko arwera “E, erpese nga ni m̃ilik mipriv mirpok renge Naim On se Atua?”, ko ngok ololi bbösa elair e.

Nosp̃en nga M̃irres se Iesu Kristo nga Luk Muli 1:22

Marok-tiriv mian ko ni eivare renge Naim On vini vare e. Ko evi nabbut, sete orongwos p̃irij. Ko ewirrleni nevren tevir; ko nir arongwose nga ni elesi nem̃in san renge Naim On.

Nosp̃en nga M̃irres se Iesu Kristo nga Luk Muli 1:45

Neiren renge nik, suri nga kumosuri nale nga Numal mukoni anglo sen muwrai tevi nik piplari.”

Nosp̃en nga M̃irres se Iesu Kristo nga Luk Muli 1:64

Ko renge daron mawos nen ko pa erij luwi, ko osrövi Atua.

Naul nga Pol Muli tevi Kalesia Nir renge Rom 3:3

Weretunen, nir sopon sete arosuri. Ko murrun ser ngok orongwos puloli Atua p̃il ngilngir?

2 Timoti 2:13

Ko poro kerr sete rraptori totkoni rijrijen se kerr, ko ni pia-tori totkoni wor rijrijen sen ko tetajer, suri ni sete orongwos p̃irieni kele nale sen san.’

Taetas 1:2

Ko ni okonik kele nga bololi nir parlingi norrorrmien ser puto p̃iterter renge mauren nga muto tuwi ngok vini. Mauren nen, Atua, nga sete orongwos p̃ikerkeris, owrai womu pae tuwi jer nga p̃ilai tevi kerr.

Ibrus 6:18

Ko nanu nga eru ngok, rijrijen sen, tevi murrun nga mujuji ni lweni, nuru korti ormajing lat sansan, orviseni nga Atua sete ekrekris, ko sete p̃irieni nale sen nabong san. Niko rraptur p̃iterter renge nale sen. Rramivi jinibb nga rramwolu lingi lat nga m̃isij nga rramlik rengen tuwi, ko rramok-pejpej kele lat nga m̃irres san. Ko rijrijen se Atua ok-wilwil se kerr nga muloli norrorrmien se kerr epriv, nga kerr rrapan rraptor sweri lat nga m̃irres p̃elak ngok nga Atua m̃ilngi muto metmet renge no kerr.

Bori se Jon 3:19

Inu nomok-rij eterter ko nomok-tor alje nir nga memrreni temijpale nir. Ko ngok, kaprrorrmi p̃irres ko kaprieni norrorrmien se kami renge nololien se kami.