Nosp̃en nga M̃irres se Iesu Kristo nga Jon Muli 8:7 - Uripiv

⁷ Ko nir arp̃elak arsusi rongornge malume tevi; mian ko ni otur rramos ko owrai tevir, “Isi renge kami ngok poro nga sete ololi nanu nga m̃isij nabong san, ni ko p̃ila womue nevöt ko putwe wowomue nesevin ngok.”

Nosp̃en nga M̃irres se Iesu Kristo nga Jon Muli 8:7 Mawu Ofanana

Nosp̃en nga M̃irres se Iesu Kristo nga Jon Muli 7:46

Jinibb ne no nuval nen nir arwera lweni tevir, “Sete nabong san jinibb san erij erpe m̃erel m̃irij.”

Nosp̃en nga M̃irres se Iesu Kristo nga Jon Muli 8:10

Ko ni otur rramos kele, ko setemun elesi san, nesevin bbong esan. Ko owrai tevi, “Vinel, nibeni lartul nga marpitevim nga nir? Sete jinibb san p̃iwer lokloksi nik?”

Nosp̃en nga M̃irres se Iesu Kristo nga Jon Muli 8:8

Ko ejiol luwi kele van ngatan, ko olul kele renge dan.

Kolosi 4:6

Kapok-rij p̃irres tevi nir tetajer, puloli nir parir nga parunge nale se kami. Ko kaprongwose p̃irres vajin lut nga kaprij weli jinibb jile nir parto suri.

Bori se Jon 1:16

Ko otori moju ebut renge nevren rres, ko renge jingon nesip nga muso renge devjen korti nuru eplari rengen vini. Ko non erinrin erpe nial nga muwosput.

Bori se Jon 19:15

Ko nesip nuval san nga muso varrvarr okpelari renge jingon, ko ni pipalpal e ko putor kemkam̃e jinibb ne vanu nir. Ko ni pimetmet vanu nir tevi nai delrrurr san, ko pibbötbböt kirkirsi wene grep nir. Ngok orrongrrongvi lolaren nga milep se Atua ne derteren jijle.

Bori se Jon 2:16

Ngok kaprieni kami re nololien se kami. Poro pijki ko sete mia-periv inu bevinuk ko bepalpal tere nir ngok tevi nesip nuval nga miplari re jingok.