Nosp̃en nga M̃irres se Iesu Kristo nga Jon Muli 8:20 - Uripiv

²⁰ Nale ngel nir Iesu owrair renge daron nga mivisviseni jinibb nir renge Naim On, renge lat nga marok-tuwe nevöt rengen. Ko sete san ervei, suri mete nial sen setewor evini.

Nosp̃en nga M̃irres se Iesu Kristo nga Jon Muli 8:20 Mawu Ofanana

Matiu 26:55

Ko re daron mawos nen, Iesu owrai tevi delung nir, “Erpese? Kamloli erpe nuvi jinibb nga mok-revji jinibb san. Kamini tweni kaprrul totkonik, ko kamtori nesip ne nuval nir ko b̃etiluk nir. Ko tetajer nomok-lik renge Naim On, nomok-visviseni, ko sete kamrrul totkonik.

Matiu 27:6

Ko jinibb nga marlelep re sulsulen nir arla nevöt nen, ko arwera “Sete erres rraplai rraplingi re nevöt ne Naim On bokis nen, suri evi nowli drra ne mijen.”

Nosp̃en nga M̃irres se Iesu Kristo nga Mak Muli 12:41

Iesu esakel renge loloim on se Atua, morie lat nga bokis ne nevöt mutoe. Ko ok-meteni suri erpese nga jinibb marok-tuwe nevöt van renge bokis nen. Jinibb elep nga joror milep artuwe nevöt nga marlelep nir.

Nosp̃en nga M̃irres se Iesu Kristo nga Mak Muli 12:43

Ko Iesu everuse jinibb sen nir arini jin, ko owrai tevir, “Nuwretun nuwrai tevi kami, nesevin nga ngel nga diwen sen mimij lingi ngel, ni otuw nevöt asie nir jijle nga martuwe nevöt van renge bokis nen.

Nosp̃en nga M̃irres se Iesu Kristo nga Luk Muli 20:19

Ko renge daron momsawos nen ko pa ko jinibb nevisvisenien ne nale nesesreien nir ko batu jinibb ne sulsulen nir arloli lesi parevei Iesu. Suri arongwose nga ni owra nale rrongrrongvi ngok ewer lokloksi nir rengen. Ko armetutue jinibb nir, ololi setemun arrul totoni.

Nosp̃en nga M̃irres se Iesu Kristo nga Luk Muli 21:1

Iesu ok-meteni jinibb nga joror milep marok-tuwe nevöt ser renge bokis nen renge Naim On se Atua.

Nosp̃en nga M̃irres se Iesu Kristo nga Jon Muli 10:39

Vesan kele arloli lesi kele nga parrul totoni; ko evel easi renge nevrer, evel lingir.

Nosp̃en nga M̃irres se Iesu Kristo nga Jon Muli 2:4

Ko Iesu owra tevi vinnen, “Kuwra bololi sev? Mete nial suk mawos nga inu b̃emajing ren setewor evini.”

Nosp̃en nga M̃irres se Iesu Kristo nga Jon Muli 7:14

Ko mian vajin mijpari liven sopon ne nabong nir ne nanen nen, ko Iesu evini limjer vajin, ko evan renge Naim On se Atua ko evisviseni jinibb nir rengen.

Nosp̃en nga M̃irres se Iesu Kristo nga Jon Muli 7:30

Ngok ololi arwera parevei ni. Ko sete nir san orrul ren, suri mete nial sen setewor evini.

Nosp̃en nga M̃irres se Iesu Kristo nga Jon Muli 7:44

Nir sopor armerreni parevei ni, ko sete san orrul totoni ni, ejki.

Nosp̃en nga M̃irres se Iesu Kristo nga Jon Muli 7:8

Kami ma kapan renge nanen. Inu sete numa-van rengen, suri daron suk mawos setewor evini.”

Nosp̃en nga M̃irres se Iesu Kristo nga Jon Muli 8:2

Ko mevinen renge rorpong susu, ko olwi kele van renge Naim On e. Ko delung elep arini kele jin, ko ni esakel ko evisvisenir.

Nosp̃en nga M̃irres se Iesu Kristo nga Jon Muli 8:59

Ko nir arevei nevöt arwera partuwe e. Ko Iesu otur tevi jinibb nir, ko evel rrurrngi liven rer, ko esil ivare renge Naim On, evini vare e evel.