Nosp̃en nga M̃irres se Iesu Kristo nga Jon Muli 7:15 - Uripiv

¹⁵ M̃eri Isrel nga marlelep nen nir artaole, ko arwera “M̃erel sete bbong arvisviseni sopon, ko orongwose nanu ngel nir erpese?”

Nosp̃en nga M̃irres se Iesu Kristo nga Jon Muli 7:15 Mawu Ofanana

Matiu 13:54

ko olwi vajin vini re ngaim sen e. Ko evisviseni jinibb nir re naim gortien ser; ko jinibb nen nir bbösa elair e, ko arwera “E, m̃erel ela norongwosien ko derteren ngel ngabe?

Matiu 22:22

Ko daron nga marunge nale ngel e nir, bbösa elair e, suri arrorrmi Iesu sete orongwose p̃iasie nir renge nanu ngok. Ko arlinglingi ni ko arivel sisamis.

Matiu 22:33

Ko daron nga delung nir marunge nale ngel, ko bbösa nga milep elair renge nevisvisenien nga m̃irres sen.

Nosp̃en nga M̃irres se Iesu Kristo nga Luk Muli 2:47

Ko nir jile nga marunge nale sen bbösa elair e, suri marunge renge rijen sen nga mok-rij weli lweni nale se jinibb nevisvisenien se m̃eri Isrel nir, nga norongwosien sen elep.

Nosp̃en nga M̃irres se Iesu Kristo nga Luk Muli 4:22

Jinibb jile arunge nale sen nir arres p̃elak, ko bbösa elair e. Ko arwera “Ni evi natu Josep, rreknga?”

Nosp̃en nga M̃irres se Iesu Kristo nga Jon Muli 1:19

Nir nga marwowomue m̃eri Isrel nir nga marlik Jerusalem arkoni jinibb ne sulsulen sopor ko Livaet sopor vini ji Jon nga parsusi tevi, “Nik kuvi isi le?”

Nosp̃en nga M̃irres se Iesu Kristo nga Jon Muli 7:11

M̃eri Isrel nga marlelep nir arpej ni renge nanen, ko arsusi “Nibeni ni?”

Nosp̃en nga M̃irres se Iesu Kristo nga Jon Muli 7:13

Ko sete san ejilwer suri ni re limjer, suri armetutue m̃eri Isrel nga marwowomu re nir.

Nosp̃en nga M̃irres se Iesu Kristo nga Jon Muli 7:46

Jinibb ne no nuval nen nir arwera lweni tevir, “Sete nabong san jinibb san erij erpe m̃erel m̃irij.”

Majingen se Aposol Nir 26:24

Ko daron nga Pol m̃irij mirpok mian ko Pestas ekail van jin owra “E, Pol, kulengleng! Norrorrmien som owlu p̃elak, ko ololi batum erpe poklengleng pa.”

Majingen se Aposol Nir 4:13

Ko daron nga marlesi Pita nuru Jon sete ormetutu mirpok ko artaole, suri nuru orivi jinibb nawon, ko sete arsesre p̃elak nuru bonevis. Ko arlesi wose vajin nga morok-pitevi Iesu.