Nosp̃en nga M̃irres se Iesu Kristo nga Jon Muli 7:1 - Uripiv

¹ Vitunen renge nanu ngel, Iesu otutur suri renge Galili. Sete emrreni pian pututur renge Jutia, suri m̃eri Isrel nga marlelep nir armerreni parevji pini.

Nosp̃en nga M̃irres se Iesu Kristo nga Jon Muli 7:1 Mawu Ofanana

Matiu 10:23

“Ko poro nga parloli esij tevi kami renge ngaim san, ko kapwolu van re ngaim nga surie. Nuwretun nuwrai tevi kami, setete kapiel p̃etp̃eti re ngaim ne Isrel nir, pijpari inu Jinibb Mawos bea-luwi vini.

Matiu 21:38

Ko jinibb nen nir, daron nga marlesi ni natun, arwerwerai tevir, ‘O, ngel evi natun nga pia-la joro tata sen. Rraprevji pini, ko puloli orsel pia-ivi vajin se kerr!’

Nosp̃en nga M̃irres se Iesu Kristo nga Mak Muli 11:18

Daron nga batu jinibb ne sulsulen nir ko jinibb nevisvisenien ne nale nesesreien nir marunge e, ko arkulkulu pej sel san nga parevji pini ni rengen. Ko armetutu parrul re ni, suri renge nevisvisenien sen delung jile bbösa elair e.

Nosp̃en nga M̃irres se Iesu Kristo nga Jon Muli 1:19

Nir nga marwowomue m̃eri Isrel nir nga marlik Jerusalem arkoni jinibb ne sulsulen sopor ko Livaet sopor vini ji Jon nga parsusi tevi, “Nik kuvi isi le?”

Nosp̃en nga M̃irres se Iesu Kristo nga Jon Muli 4:3

Ko daron nga Iesu murongwose nga Parasi nir arunge pa nga ni jinibb sen milep miasie Jon, ko niko muloli ni mivel lingi Jutia, ko mulwi kele van re Galili e.

Nosp̃en nga M̃irres se Iesu Kristo nga Jon Muli 4:54

Ngel evi nelesien erwen nga Iesu muloli daron nga mivel lingi Jutia ko mivini Galili e.

Nosp̃en nga M̃irres se Iesu Kristo nga Jon Muli 6:1

Vitunen renge ngel, Iesu evel rujruj kele evan renge devjen ne nuwito ne Galili, nga nisen m̃inij nen marwera nuwito ne Taepirias e.

Nosp̃en nga M̃irres se Iesu Kristo nga Jon Muli 7:11

M̃eri Isrel nga marlelep nir arpej ni renge nanen, ko arsusi “Nibeni ni?”

Nosp̃en nga M̃irres se Iesu Kristo nga Jon Muli 7:13

Ko sete san ejilwer suri ni re limjer, suri armetutue m̃eri Isrel nga marwowomu re nir.

Nosp̃en nga M̃irres se Iesu Kristo nga Jon Muli 7:19

Moses elai pa nale nesesreien tevi kami. Ko kami san sete otori rragrrage. Ko suri sev kamwera kaprevji pinik?”

Nosp̃en nga M̃irres se Iesu Kristo nga Jon Muli 7:25

Nir sopon renge delung ne m̃eri Jerusalem nir arwera “Kules, m̃er nga, nga marwera parevji pini nga le ngel!

Nosp̃en nga M̃irres se Iesu Kristo nga Jon Muli 7:35

Ko m̃eri Isrel nen nir arwerwera lulwenir e, arwera “Owra pian ngabe nen e le, nga kerr sete rraplesi ngel? Pian lat san nga m̃eri Isrel nga marivel lingi kerr marlik e, ko pivisviseni m̃eri Gris nir?

Nosp̃en nga M̃irres se Iesu Kristo nga Jon Muli 8:37

Nurongwose kami kamivi metka se Epram. Ko kamwera kaprevji pinik, suri nale suk milngen ejki renge nolo kami.

Nosp̃en nga M̃irres se Iesu Kristo nga Jon Muli 8:40

Inu nga mowra weretunen tevi kami nga mornge ji Atua, ko lelingen ngel kamwera kaprevji pinik suri. Ko Epram sete ololi erpok.

Majingen se Aposol Nir 10:38

Atua elai Nem̃in On ko derteren tevi Iesu doNasret, ko Iesu daron nga mokivel rrale mokloli majingen nga marres nir, ko ololi nir nga marlik renge derteren se Demij nir arres luwi kele.