Nosp̃en nga M̃irres se Iesu Kristo nga Jon Muli 4:39 - Uripiv

³⁹ Jinibb ne ngaim nen elep arosuri Iesu vajin, suri renge nale se nesevin nga muwrai tevir ngel, ‘Owra nanu jijle nga nomok-lolir’.

Nosp̃en nga M̃irres se Iesu Kristo nga Jon Muli 4:39 Mawu Ofanana

Matiu 10:5

Jinibb esngavöl drromon eru ngel Iesu okonir van. Ko daron nga mukonir e, ko ewer sesesre erpel tevir: “Sete kapan ji jinibb ne vare nir, ko sete kapan renge ngaim san se m̃eri Sameria nir, pijki.

Nosp̃en nga M̃irres se Iesu Kristo nga Jon Muli 1:37

Daron nga jinibb sen nuru morunge nga muwrai mirpok tevi nuru, ko orlingi tweni Jon otur jer ko orvijuri suri Iesu.

Nosp̃en nga M̃irres se Iesu Kristo nga Jon Muli 11:45

M̃eri Isrel elep nga marini marlesi Merri arlesi sev nga Iesu muloli, ko arosuri ni.

Nosp̃en nga M̃irres se Iesu Kristo nga Jon Muli 4:29

“Lartul, kapini kaplesi ta jinibb san ni le, m̃ernen owra jijle nanu nga nomok-lolir nir. Rreknga m̃ernen evi Kristo le?”

Nosp̃en nga M̃irres se Iesu Kristo nga Jon Muli 4:30

Ngok jinibb nga renge ngaim nen nir arivel tweni aran jin arlesi.

Nosp̃en nga M̃irres se Iesu Kristo nga Jon Muli 4:38

Inu nukoni kami kaman renge naut ne orsel nga kami sete kamruwir, ko kamok-tawe wenen rer vajin. Jinibb m̃inij nir arp̃elak nga maruwi naut nen nir, ko kami vajin kama-van kamtawe nawone wenen rer.”

Nosp̃en nga M̃irres se Iesu Kristo nga Jon Muli 4:40

Daron nen nga m̃eri Sameria marini jin nen, arngoni tertere ni nga ni p̃ilik mun tevir. Ko ni elik mun tevir ie nabong eru kele.

Nosp̃en nga M̃irres se Iesu Kristo nga Jon Muli 4:42

Ko lartul nen nir arwerai tevi nesevin nen, arwera “Lelingen ngel kem namosuri, sete suri nga nik kumwerai tevi kem, ko suri kem wor namrunge nale sen nir nga muwrair. Ko namrongwose ni evi m̃er weretunen nga pia-lai mauren tevi jinibb ne iel ngatan nir.”

Nosp̃en nga M̃irres se Iesu Kristo nga Jon Muli 4:5

Ngok, evini renge Sameria ngaim nga welwelili nen san nga nisen Saeka, morie orsel nga Jekop m̃ilai tuwi tevi natun Josep.

Nosp̃en nga M̃irres se Iesu Kristo nga Jon Muli 4:8

(Renge daron nen jinibb sen nir arivel pa aran ngaim e parwuli nanen ser sopon.)