Nosp̃en nga M̃irres se Iesu Kristo nga Jon Muli 4:1 - Uripiv

^1-2 Ko mian ko Parasi nir arunge nga Iesu jinibb sen nir milep m̃iasie Jon vajin, ko nga Iesu mipaptaese jinibb milep m̃iasie Jon. (Ko ewretun, Iesu sete epaptaese jinibb nir, ejki, ko jinibb sen kobbong nir arok-paptaese jinibb nir.)

Nosp̃en nga M̃irres se Iesu Kristo nga Jon Muli 4:1 Mawu Ofanana

Nosp̃en nga M̃irres se Iesu Kristo nga Luk Muli 1:76

Ko nik bipi suk, parveruse nik nisem kupwaji Atua ne Drromsen Mare propet sen; suri nik kupwowomu renge no Numal nga kuploli lilane sel sen.

Nosp̃en nga M̃irres se Iesu Kristo nga Luk Muli 19:31

Ko poro jinibb san pususi tevi kamru, ‘Erpese komortelasi?’, ko kamru koporwera lweni tevi koporwera ‘Numal emrreni’.”

Nosp̃en nga M̃irres se Iesu Kristo nga Luk Muli 19:34

Ko nuru orwera lweni tevir orwera “Numal le emrreni.”

Nosp̃en nga M̃irres se Iesu Kristo nga Luk Muli 2:11

Renge lelingen ngel, renge nata mupong nga ngel, renge ngaim ngel se Devet, bipi san eak rengen nga p̃ilai mauren tevi kami. Ni evi m̃er nga Atua m̃irijrij nga pukoni, ni evi Mesaea ko Numal.

Nosp̃en nga M̃irres se Iesu Kristo nga Luk Muli 7:13

Ko daron nga Numal m̃ilesi vinnen, ko orrorrmi lenglenge, ko owrai tevi owra “Sete kupting te pijki.”

Nosp̃en nga M̃irres se Iesu Kristo nga Luk Muli 7:19

Ni owrai tevi nuru poran ji Numal porwerai tevi, “Jon owra ‘Nik kuvi pa m̃er nga pivini le, rreknga kem nabtiriv malume san kele wor?’ ” Ko ni okoni tweni nuru.

Nosp̃en nga M̃irres se Iesu Kristo nga Jon Muli 3:22

Vitunen vajin renge nanu ngel nir, Iesu eptevi jinibb sen nir aran renge Jutia. Ko arlik nabong evis wor iok, ko Iesu ok-paptaese jinibb nir ie.

Nosp̃en nga M̃irres se Iesu Kristo nga Jon Muli 3:26

Mian ko arini ji Jon arwerai tevi, “Jinibb nevisvisenien, kuplesi m̃er nga bonevis nga miptevim nga iokwan renge devje nuwi seser van luwi Jortan nga e, nga nik kumrij sen. Ni le ngel mok-paptaes jinibb nir renge nuwi seser. Jinibb p̃etp̃eti arinini jin.”

Majingen se Aposol Nir 10:36

Nale ngok kele kobbong Atua elai tevi jinibb sen nir m̃eri Isrel, daron nga mukoni Iesu Kristo Numal se jinibb jijle nir nga p̃ilai demat tevi nir.

Korin 1 1:17

Kristo sete okoni inu nga bepaptaese jinibb nir, ko okoni inu nga bowrai tweni nosp̃en nga m̃irres sen. Ko sete okoni inu nga b̃ewerwer renge nale norongwosien se jinibb, ejki, ngok puloli mijen se Kristo renge nai pelaot pivi nanu nawon.

Korin 1 15:47

M̃erwomu, armajinge renge maw ne iel ngatan; ko m̃ervitu eplari re melrin vini.

Korin 1 2:8

Jinibb nga marlelep ne iel ngatan san sete orongwose norongwosien ngok. Ko poro parongwose, setemun mara-revji Numal ne melrin renge nai pelaot. Ko sete artor sweri norongwosien ngok.

Korin 2 4:5

Suri sete namok-sup̃e suri kem lweni, ko namsup̃e Numal Iesu Kristo, nga m̃ilngi kem namivi jinibb ne majingen sen.

Jemes 2:1

Tasik ko jojik nir, kamosuri pa Numal se kerr nga mivi Numal ne nosrövien. Ko niko sete kaploli murrun nga kamtori jinibb nga joror milep nir, ko nga kamok-meteni jinibb nga joror muwelili nir arirpe nanu nawon kobbong.

Bori se Jon 19:16

Ko aruli nais san renge sunsun sen ko renge jakin, nga muwra ‘Batu Numal se numal p̃etp̃eti nir.’