Nosp̃en nga M̃irres se Iesu Kristo nga Jon Muli 3:31 - Uripiv

³¹ Ni nga mujubbul mare renge melrin vini, ean mare jerjer renge jinibb nir. Ko m̃er nga miplari bbong renge iel ngatan evi pa jinibb ne iel ngatan, ko ok-sup̃e suri bbong nanu ne iel ngatan nir. Ni nga ma mujubbul mare renge melrin vini, ni an mare jerjer ko wor renge jinibb nir.

Nosp̃en nga M̃irres se Iesu Kristo nga Jon Muli 3:31 Mawu Ofanana

Matiu 28:18

Ko Iesu evini mori jir, ko owrai tevir, “Atua elai pa derteren jile tevi inu re nanu jijle ne melrin ko iel ngatan.

Nosp̃en nga M̃irres se Iesu Kristo nga Jon Muli 1:15

Jon erij sen, ekail owrai tevi jinibb nir, “M̃erel le nomok-sup̃e suri nga nomok-wera, Inu nuwowomu nga bololi lilane sel sen, nga ni pia-vitu surik. Ko ni elep wor asi inu, suri ni elik wowomu ko pa mian ko inu mea-iak, ko niko ni elep asi wore inu.”

Nosp̃en nga M̃irres se Iesu Kristo nga Jon Muli 1:27

Ngok ni ko ma evi m̃ernen mawos nga propet nga tuwi nir arwera pivitu suri inu. Ko ni elep asi jer wore inu, ko inu sete numomsawos nurres rragrrag kele re bbong b̃ejiol vitan b̃etlasi tweni dil renge but sen.”

Nosp̃en nga M̃irres se Iesu Kristo nga Jon Muli 1:30

Ngok! Niko m̃er nga nomok-sup̃e suri nga ko, mowra ‘Inu nuwowomu le, nuloli lilane sel sen nga pivivitu surik.’ Ko ni elep wor asi inu, suri ni elik ko pa, mian ko inu ngel mea-iak.

Nosp̃en nga M̃irres se Iesu Kristo nga Jon Muli 3:30

Ni pian mare jerjer, ko inu bean ngatan jerjer renge ni.”

Nosp̃en nga M̃irres se Iesu Kristo nga Jon Muli 6:33

Ni nga mivel renge melrin vini iel ngatan evi niv se Atua, ko ok-lai mauren tevi iel ngatan.”

Nosp̃en nga M̃irres se Iesu Kristo nga Jon Muli 6:51

Inu ngel nuvi niv ne mauren nga mevel renge melrin vini. Poro jinibb san purro niv ngel, ni pimaur tuwi ngok vini. Niv nga inu b̃elai pivi mauren ne iel ngatan, evi inu nibek.”

Nosp̃en nga M̃irres se Iesu Kristo nga Jon Muli 8:23

Iesu owra lweni tevir, “Kami kamivi ne iel ngatan, ko inu nuvi ne mare. Kami kamivi ne iel ngatan, ko inu sete nuvi ne iel ngatan.

Majingen se Aposol Nir 10:36

Nale ngok kele kobbong Atua elai tevi jinibb sen nir m̃eri Isrel, daron nga mukoni Iesu Kristo Numal se jinibb jijle nir nga p̃ilai demat tevi nir.

Naul nga Pol Muli tevi Kalesia Nir renge Rom 9:5

Ko nir arivi metka se jinibb se Atua nga tuwi pa nir. Ko Kristo kele renge mauren sen nga mimaur e iel ngatan, ni evi metka ser nen san. Ko ni elep asi wore nir ko jinibb jijle, suri evi pa Atua. Ko kerr rrapsusi nisen van mare tetajer tuwi ngok vini. Pirpok ko!

Ibrus 9:1

Ko rramrongwose erres rijrijen nga m̃itra ngok, ko sel nen nga parsurövi Atua ren otoe. Ko lat on nen kele san otoe nga muto bbong iel ngatan.

1 Pita 3:22

Ko ean pa renge melrin e ko elik renge devjen rres ji Atua. Ko Atua ololi anglo tevi jinibb nga marlelep tevi numal nir ne melrin parsusi nisen pian mare.

1 Jon 4:5

Jinibb gerisen ngok nir arok-ivel arsup̃e suri norrorrmien ne iel ngatan, suri arivi pa jinibb ne iel ngatan. Ko jinibb nir armurronge nir, suri nir kele arivi jinibb ne iel ngatan kobbong.

Bori se Jon 19:16

Ko aruli nais san renge sunsun sen ko renge jakin, nga muwra ‘Batu Numal se numal p̃etp̃eti nir.’