Nosp̃en nga M̃irres se Iesu Kristo nga Jon Muli 3:24 - Uripiv

²⁴ Suri renge daron nen setewor arlingi Jon renge naim ne nekaien.

Nosp̃en nga M̃irres se Iesu Kristo nga Jon Muli 3:24 Mawu Ofanana

Matiu 14:3

Owrai erpok suri nanu san nga miplari seveling nga, erpel: Erot etka luwe Erotias, nesen se tuwan Pilip. Ko Jon owra tevi Erot, “Sete evi nesesreien nga mimawos nga nik kupteka luwe nesen se tuwam.” Daron nga muwrai mirpok, ko Erot orrul totkoni ni ko esre totkoni, ko elngi ni van re naim ne nekaien, suri Erotias sete emrreni Jon p̃irij pirpok.

Matiu 4:12

Vitunen Iesu ornge nale nen nga marlingi Jon renge naim ne nekaien, ko ni olwi van Galili e.

Nosp̃en nga M̃irres se Iesu Kristo nga Mak Muli 6:17

Ko Erot Antipas bonevis pa okoni jinibb san evan orrul totoni Jon ko esre totoni elngi renge naim ne nekaien, suri marongen se Erotias nesevin se tuwan Pilip. Suri ni etkai luwe vinnen,

Nosp̃en nga M̃irres se Iesu Kristo nga Jon Muli 3:23

Jon kele renge daron nen ok-paptaese jinibb nir renge Aenon mori Salim, suri nuwi elep renge iok. Ko jinibb nir aranan ji Jon ie, ko ok-paptaes nir iok.