Nosp̃en nga M̃irres se Iesu Kristo nga Jon Muli 2:24 - Uripiv

²⁴ Ko Iesu sete osurir, suri orongwose jinibb jijle nir nolor.

Nosp̃en nga M̃irres se Iesu Kristo nga Jon Muli 2:24 Mawu Ofanana

Matiu 9:4

Ko Iesu orongwose norrorrmien ser, ko owra “Suri sev norrorrmien nga m̃isij muto re nolo kami ngok?

Nosp̃en nga M̃irres se Iesu Kristo nga Mak Muli 2:8

Ngavilvilsen Iesu ornge niben nen, orongwose nga nir arrorrmi erpok renge nolor. Ko owrai tevir, owra “Suri sev kami kamrrorrmi nanu ngel nir renge nolo kami nir mirpok?

Nosp̃en nga M̃irres se Iesu Kristo nga Jon Muli 1:42

Ko ngok Antru eptevi Saemon van ji Iesu. Ko daron nga Iesu m̃ilesi, ko owrai tevi, “Nik Saemon, kuvi natu Jon. Nik parverus kele nisem Kepas.” Nais ngok renge nale se m̃eri Isrel nir owra b̃ereng ko. Ko nais ngok Pita renge nale se m̃eri Gris nir, owra b̃ereng kele kobbong.

Nosp̃en nga M̃irres se Iesu Kristo nga Jon Muli 16:30

Kem namrongwose vajin nga nik kurongwose nanu jijle. Kurongwos kupsupsup̃e nanu p̃etp̃eti nir, tevi nanu nir nga setewor san mususi tevim. Ngel ololi nga kem namosuri nga nik kuel ji Atua vini.”

Nosp̃en nga M̃irres se Iesu Kristo nga Jon Muli 21:17

Ko Iesu osusi vatolin tevi ni, “Saemon Jonas natun, kumrreni inu?” Pita ornge lengleng esij e suri Iesu owrai vatul kis tevi ni, ‘Nik kumrreni inu?’ Ko owra lweni tevi, “Numal, nik kurongwose nanu nga musuw ngok nir, kurongwose nga inu memrreni nik!” Ko Iesu owrai lweni kele tevi, “Kupwungani sipsip suk.

Nosp̃en nga M̃irres se Iesu Kristo nga Jon Muli 4:16

Iesu owra lweni tevi vinnen, “Kupan kupveruse diwen som pivini, ko nik kele kupluwi vini.”

Nosp̃en nga M̃irres se Iesu Kristo nga Jon Muli 5:42

Ko inu nurongwose renge kami ngok, sete kamok-la merrenien se Atua kamok-tori renge nolo kami nir.

Nosp̃en nga M̃irres se Iesu Kristo nga Jon Muli 6:15

Iesu ornge renge niben nen, orongwose nga parini paron tertere ni nga pivi numal ser. Ko ni evel esan evan renge botwen e.

Nosp̃en nga M̃irres se Iesu Kristo nga Jon Muli 6:64

Niko renge iok, kami sopor sete arosuri.” Suri Iesu orongwos wowomue pa siko nir nga sete marosuri, ko siko nga pia-tekai kerasi ni.

Majingen se Aposol Nir 1:24

Mian ko nir arlot arwera “Numal Atua, nik kurongwose norrorrmien se jinibb jijle nir. Kupviseni tevi kem nuru si nen re nuru ngel nik kutobbtobbue

Majingen se Aposol Nir 15:8

Ko Atua nga murongwose nolo jinibb jijle nir eviseni norrorrmien sen tevi jinibb ne vare nir daron nga m̃ilai Nem̃in On sen tevir, osorsan erpe nga m̃ilai tevi kerr.

Ibrus 4:13

Sete nanu san iel ngatan orongwose piteptepi renge no Atua. Nanu jijle arto limjer rres renge non. Ko renge no Atua kobbong kerr jijle rrapa-werai tweni murrun ne mauren se kerr.

Bori se Jon 2:23

Ko berevji pini kele natun nir, puloli kalesia nir parongwose, inu nurongwose nanu jijle nga muto re nolo jinibb ko norrorrmien se jinibb, ko bea-lai nowlin mawos tevi nir sisamis re murrun nga marloli.