Nosp̃en nga M̃irres se Iesu Kristo nga Jon Muli 13:23 - Uripiv

²³ San renge jinibb sen, ni nga Iesu mimrreni, elik mori bbong Iesu, elik lilji.

Nosp̃en nga M̃irres se Iesu Kristo nga Jon Muli 13:23 Mawu Ofanana

Nosp̃en nga M̃irres se Iesu Kristo nga Luk Muli 16:22

Mian ko vitunen vajin ko b̃eres nga mok-ngun-ngun res nga emij. Ko anglo nir arwosi ni van renge melrin ji Epram, ko elik lilji nelin. Mian ko vitunen vajin, ko m̃er nga joron milep nga ea-mij vajin, ko artevni.

Nosp̃en nga M̃irres se Iesu Kristo nga Jon Muli 1:18

Sete jinibb san elesi Atua renge daron san, ejki. Natun mawos kobbong, nga nuru Atua morsorsan mawos, nga morkorti m̃irres morirpe m̃elew, ni kobbong evel renge melrin vini, ko owra visviseni Tata sen tevi kerr.

Nosp̃en nga M̃irres se Iesu Kristo nga Jon Muli 11:3

Ngok nesen niaken ngel ko nuru orla nale ngel van ji Iesu, “Numal, selem nga kumrreni milep emsi.”

Nosp̃en nga M̃irres se Iesu Kristo nga Jon Muli 11:36

M̃eri Isrel arwera “Ai, emrreni lenglenge ma morok.”

Nosp̃en nga M̃irres se Iesu Kristo nga Jon Muli 11:5

Iesu emrreni lenglenge Marta ko tasin Merri ko Lasros.

Nosp̃en nga M̃irres se Iesu Kristo nga Jon Muli 13:24

Ko Saemon Pita olongwis bbong tevi, owra “Kupsusi ta tevi ni, isi ko muwrai ngok.”

Nosp̃en nga M̃irres se Iesu Kristo nga Jon Muli 13:25

Ngok m̃ernen oruj mori van jin ko osusi tevi, owra “Numal, isi ko m̃ernen?”

Nosp̃en nga M̃irres se Iesu Kristo nga Jon Muli 19:26

Ko Iesu emteni tasu sen ko jinibb sen nga ni mimrreni temijpale mortur, ko owrai tevi tasu sen, “Ngok evi natum.”

Nosp̃en nga M̃irres se Iesu Kristo nga Jon Muli 20:2

Ko nesevin owlu luwi van ji Saemon Pita e nuru jinibb se Iesu m̃inij nen nga Iesu mimrreni nen. Ko owrai tevi nuru, “O laru, arwosi tweni Numal renge dubb, ko sete rramrongwose lat nga marlingi e!”

Nosp̃en nga M̃irres se Iesu Kristo nga Jon Muli 21:20

Mian ko Pita erieni ko elesi jinibb se Iesu nga Iesu mimrreni milep womunen, m̃er nga m̃ilik lilji Iesu renge daron ne nanen nga maraan, ko mususi tevi, “Numal, isi ko p̃itkai kerasi nik?”

Nosp̃en nga M̃irres se Iesu Kristo nga Jon Muli 21:24

Inu nuvi m̃ernen le, jinibb se Iesu nga mowra nanu ngel nir, ko moli tututweni nanu ngel nir. Ko kami kamrongwose nale suk evi werweretunen.

Nosp̃en nga M̃irres se Iesu Kristo nga Jon Muli 21:7

Mian ko jinibb se Iesu nga mimrreni nen owrai tevi Pita, “O, Numal ko ngok!” Daron nga Saemon Pita moka-runge sweri nga muwra ni mivi Numal, ko esaro ngavilvil, ela lweni sunsun sen ko etatuwe, suri ori tweni re marevei niva; ko orow jubbul van renge nuwi.