Nosp̃en nga M̃irres se Iesu Kristo nga Jon Muli 12:42 - Uripiv

⁴² Ko ewretun, m̃eri Isrel elep arosuri Iesu, ko nir elep nga marlelep rer arosuri kele. Ko suri armetutu Parasi nir, ko sete arwerai tweni ni te ejki. Suri armetutu tarwirr twenir renge naim gortien ser.

Nosp̃en nga M̃irres se Iesu Kristo nga Jon Muli 12:42 Mawu Ofanana

Matiu 10:32

“Si nga puwrowrai inu renge no jinibb nir, inu kele bea-werwerai ni renge no Tata suk nga m̃ilik re melrin.

Nosp̃en nga M̃irres se Iesu Kristo nga Luk Muli 12:8

“Inu nuwrai tevi kami, M̃er nga sete mimtutu nga puwowrai inu nisek renge no jinibb nir, inu kele Jinibb Mawos bea-wowrai ni nisen renge no anglo se Atua nir.

Nosp̃en nga M̃irres se Iesu Kristo nga Luk Muli 23:13

Ko Paelet everus kortoni batun ne jinibb ne sulsulen nir ko numal se m̃eri Isrel nir, ko jinibb jile nir arini arkorti lat sansan.

Nosp̃en nga M̃irres se Iesu Kristo nga Luk Muli 6:22

Neiren renge kami renge daron nga poro jinibb nir arlesi nga kamivi jinibb se inu Jinibb Mawos, ko arungasi kami vajin, ko arla nale otot tevi kami, ko arsoni tweni kami renge gortien ser, suri bbong inu.

Nosp̃en nga M̃irres se Iesu Kristo nga Jon Muli 11:45

M̃eri Isrel elep nga marini marlesi Merri arlesi sev nga Iesu muloli, ko arosuri ni.

Nosp̃en nga M̃irres se Iesu Kristo nga Jon Muli 12:11

Suri nga m̃eri Isrel elep arlesi nga Iesu muloli Lasros mimaur luwi, ko arlingi kurtweni m̃erwomu ser nir, ko arosuri Iesu vajin.

Nosp̃en nga M̃irres se Iesu Kristo nga Jon Muli 16:2

Jinibb nir parwirr tweni kami renge naim gortien ser. Ko daron nen pia-vini nga jinibb parevji pini kami, ko jinibb nga marevji pini kami nir, parrorrmi arloli majingen se Atua ko.

Nosp̃en nga M̃irres se Iesu Kristo nga Jon Muli 19:38

Vitunen renge nanu ngel, Josep, nga mivi m̃eri Armetia, ongoni tevi Paelat nga poro orongwos puwosi tweni nibe Iesu. (Josep evi jinibb se Iesu ko pa san, ko okvilvil ore, suri emtutue m̃erwomu se m̃eri Isrel nir nga martori derteren renge nir.) Ko Paelat elinglingi tevi ni. Ko evan owosi tweni nibe Iesu.

Nosp̃en nga M̃irres se Iesu Kristo nga Jon Muli 3:2

M̃ernen mawos evini silveni ji Iesu renge natamupong san. Ko owrai tevi, “Jinibb nevisvisenien, kem namrongwose nik kuvi jinibb nevisvisenien nga kumiel ji Atua vini, suri sete san orongwose puloli nelesien ngel nir nga nik kumlolir ngel, poro nga Atua sete piptevi ni.”

Nosp̃en nga M̃irres se Iesu Kristo nga Jon Muli 7:13

Ko sete san ejilwer suri ni re limjer, suri armetutue m̃eri Isrel nga marwowomu re nir.

Nosp̃en nga M̃irres se Iesu Kristo nga Jon Muli 7:31

Ko delung elep arosuri ni. Ko arwera “Poro nga Mesaea ni ko malum setewor evini, ko ni pia-loli kele wor majingen nga para-lelep wor nir, piasie nga m̃erel mulolir ngel nir? Ejki, ni le pa!”

Nosp̃en nga M̃irres se Iesu Kristo nga Jon Muli 9:22

Tata sen nuru tasu sen orwerai erpok suri ormetutue m̃eri Isrel nga marlelep nen nir. Suri arwerai jile pa nga poro jinibb pisan puwra nga Iesu evi Mesaea, ko ngok puloli nir parla tweni m̃ernen renge naim gortien ser, pijkie rengen.

Nosp̃en nga M̃irres se Iesu Kristo nga Jon Muli 9:34

Nir arwera lweni tevi, “Aro, nik kuak renge nololien, ko kuloli nololien tetajer malum, ko kuwra kupvisviseni kem?” Ko arwirr tweni ni renge naim gortien ser.

Majingen se Aposol Nir 5:41

Ko nir arivare lingi gortien ser nen ko arir kobbong nga Atua elesi nir arviter nga jinibb artelmajir suri nise Iesu. Ko sete armanun rragrrage.

Naul nga Pol Muli tevi Kalesia Nir renge Rom 10:10

Suri renge nosurien se kerr ko, renge nolo kerr, niko Atua ololi kerr rrammomsawos erres ko pa renge ni non. Ko rramwera tweni nale ngok nir renge jingo kerr, ko niko kerr rrammaur ko pa osuw.

1 Jon 4:15

Si nga muwrai tweni nga Iesu evi Natu Atua, Atua okorti tevi ni, ko ni okorti tevi Atua.

1 Jon 4:2

Kapa-rongwose pia-irpel ko poro nga evi Nem̃in se Atua; nir nga marok-sup̃e nga daron nga Iesu Kristo mivini iel ngatan niben evi jinibb rres erpe kerr, nir ngok Nem̃in nga miplari ji Atua oto pa ji nir.