Nosp̃en nga M̃irres se Iesu Kristo nga Jon Muli 1:45 - Uripiv

⁴⁵ Pilip evel ko elesi Nataniel, ko owrai tevi, “Kem ma namlesi m̃er nga Moses muli suri renge Naul ne nale nesesreien tuwi, ko propet nir kele maruli suri. Nisen ko Iesu ne donasret, Josep natun.”

Nosp̃en nga M̃irres se Iesu Kristo nga Jon Muli 1:45 Mawu Ofanana

Matiu 10:3

ko Pilip, ko Batolomiu, ko Tomas, ko Matiu nga mok-lai nevöt ne takis bonevis, ko Jemes natu Alpeas, ko Tateas,

Matiu 13:55

Ni ngel evi metusu lebbong san natun, ko tasu sen marveruse Merri, ko tasin nir Jemes, ko Josep, ko Saemon, ko Jutas.

Matiu 2:23

Ko arini arlik renge ngaim san nga nisen Nasret. Ngok eplari wor osorsan tevi nale se Atua nga propet sen san muwrai wowomu pae suri Kristo, “Ni parveruse m̃eri Nasret ko.”

Matiu 21:11

Ko delung nir arwera lweni: “Ngel evi propet Iesu ne Nasret renge Galili.”

Nosp̃en nga M̃irres se Iesu Kristo nga Mak Muli 14:67

Ko elesi Pita mok-tetli renge nabb ko owrai tevi, “E, sete nik kele kuptevi Iesu ne doNasret ngel?”

Nosp̃en nga M̃irres se Iesu Kristo nga Mak Muli 6:3

Kerr rramrongwose kobbong, evi metusu, Merri natun, ko tasin Jemes ko Joses, ko Juta, ko Saemon. Ko sete jojin le nir ngel marpitevi kerr?” Ko arong karkare.

Nosp̃en nga M̃irres se Iesu Kristo nga Luk Muli 18:37

Ko nir arwera lweni tevi arwera “Iesu ne doNasret ko m̃iasi ngok.”

Nosp̃en nga M̃irres se Iesu Kristo nga Luk Muli 2:4

Ko ngok niko Josep evel lingi ngaim ne Galili san nga nisen Nasret, lat nga m̃ilik e, ko evan renge ngaim ne Jutia san nga nisen Betliem. Ie evi lat nga numal Devet m̃iak e rengen tuwi. Ko niko Josep mulwi wor van ie, suri ni evi metka nga miplari renge metka se Devet san.

Nosp̃en nga M̃irres se Iesu Kristo nga Luk Muli 2:48

Daron nga tata sen nuru tasu sen morsekai ni e ko ormabbös bbösa elai nuru e, ko tasu sen owrai tevi, “Wurru natuk erpese kumloli mirpok tevi komru? Kuplesi tata som ko inu nomor-runge esij, nolo komru opotpot elep nga nomor-pej nik.”

Nosp̃en nga M̃irres se Iesu Kristo nga Luk Muli 24:27

Ko Iesu owra lweni tevi nuru sev nga marwerai suri ni renge Naul On, etipatun renge naul se Moses ko etajer tevi vini ejpari nga propet nir marulir.

Nosp̃en nga M̃irres se Iesu Kristo nga Luk Muli 24:44

Ko Iesu owrai tevir owra “Nanu ngel nir arivi nanu mawos nga mowrai pa tevi kami renge daron nga m̃elik malum tevi kami e. Renge bonevis nen nomok-werai pa nga nanu jile nga maruli renge naul se Moses ko renge nale se propet nir ko renge Sam nir nga marsup̃e suri inu parini ko wor parpelari.”

Nosp̃en nga M̃irres se Iesu Kristo nga Luk Muli 3:23

Iesu etipatun majingen sen renge daron nga sian pirpe pingavöl p̃itul (30) sopon. Ko jinibb arwera ni evi natu Josep, ko tata sen ko Josep. Ko Josep evi natu Eli

Nosp̃en nga M̃irres se Iesu Kristo nga Luk Muli 4:22

Jinibb jile arunge nale sen nir arres p̃elak, ko bbösa elair e. Ko arwera “Ni evi natu Josep, rreknga?”

Nosp̃en nga M̃irres se Iesu Kristo nga Jon Muli 1:44

Antru ko Pita, ngaim se nuru ko Betsaeta, ko Pilip kele evi m̃eri iok.

Nosp̃en nga M̃irres se Iesu Kristo nga Jon Muli 12:21

Lartul nen arini ji Pilip, m̃eri Betsaeta ne Galili, ko arwerai tevi “E m̃erel, nammerreni nablesi Iesu.”

Nosp̃en nga M̃irres se Iesu Kristo nga Jon Muli 14:8

Pilip owrai tevi owra “Numal, kupviseni ta Tata som tevi kem, nga puloli kem nabrongwos alje vajin.”

Nosp̃en nga M̃irres se Iesu Kristo nga Jon Muli 18:5

Nir arwera lweni tevi ni, “Iesu ne donasret.” Ko Iesu owra lweni tevir, “Ko inu le ngel.” Ko renge ie Jutas nga m̃itkai kerasi ni otur tevir, ko ornge nale nga marwerai.

Nosp̃en nga M̃irres se Iesu Kristo nga Jon Muli 18:7

Ko Iesu osusi lweni kele tevir, “Kampej isi le?” Ko nir arwera “Nampej Iesu ne donasret.”

Nosp̃en nga M̃irres se Iesu Kristo nga Jon Muli 19:19

Paelat oli nale sopor, ko elngi renge nai pelaot se Iesu. Areve erpel, ‘Iesu ne donasret Numal se m̃eri Isrel nir.’

Nosp̃en nga M̃irres se Iesu Kristo nga Jon Muli 21:2

Saemon Pita, Tomas (nga miwajie m̃elew), Nataniel (ne Kena renge Galili) ko natu Sepet nuru, ko nuru m̃inij nen kele eru arlik korti lat sansan.

Nosp̃en nga M̃irres se Iesu Kristo nga Jon Muli 6:42

Ko arwera “Po, m̃erel evi bbong Iesu le ngel, nga tata sen ko tasu sen rramrongwose nuru. Ni mivi bbong natu Josep! Ko erpese le ni muwra mivel renge melrin vini?”

Nosp̃en nga M̃irres se Iesu Kristo nga Jon Muli 6:5

Daron nga Iesu muklu tawij, ko m̃ilesi meling jinibb nga milep marinini jin renge ie. Ko owrai tevi Pilip, “Kerr rrapwuli niv ngabe nga delung jinibb nga marinini ngel parurroir?”

Nosp̃en nga M̃irres se Iesu Kristo nga Jon Muli 6:7

Pilip owrai lweni tevi, “Nevöt pivi pungut pivaru (200) kis ngok puwelili kele kobbong, sete pivter malum pivi nowli niv nga parurroi e; nir sisamis parurrurro bbong beblen ko.”

Majingen se Aposol Nir 10:38

Atua elai Nem̃in On ko derteren tevi Iesu doNasret, ko Iesu daron nga mokivel rrale mokloli majingen nga marres nir, ko ololi nir nga marlik renge derteren se Demij nir arres luwi kele.

Majingen se Aposol Nir 2:22

“Ko erres kapmurrong vajin suri sev nga bowrai suri renge Iesu ngok ne Nasret. Atua eviseni nga m̃ilai pa derteren sen tevi Iesu suri nanu nga marinijnij nawone nir ko nelesien nir nga Iesu muloli renge derteren se Atua. Kami kamrongwose erres nanu ngok nir, suri arpelari iel bbong re liven ne kami.

Majingen se Aposol Nir 22:8

Ko nususi tevi nuwra “Numal, nik kuvi isi le?” Ko ni owra lweni tevik owra “Inu le Iesu m̃eri Nasret ngok nga komok-loli esij tevik.”

Majingen se Aposol Nir 26:9

“Tuwi nulesi erres nga bololi nanu jijle nga puore nise m̃eri Nasret ngok Iesu.

Majingen se Aposol Nir 3:6

Ko Pita owrai tevi owra “Nevöt san ejki rragrrag jik, ko nanu ma san oto jik nile b̃elai tevim. Renge nise Iesu Kristo m̃eri Nasret ngok, nuwrai tevim, kuptur imera ko kupiel!”