Nosp̃en nga M̃irres se Iesu Kristo nga Jon Muli 1:38 - Uripiv

³⁸ Iesu erieni emteni nga morvijuri, ko owrai tevi nuru, “Komorpej isev?” Ko nuru orwerai tevi ni “Rabae (nais ngok renge nale se m̃eri Isrel nir owra jinibb nevisvisenien ko), nibeni lat nga kumlik e?”

Nosp̃en nga M̃irres se Iesu Kristo nga Jon Muli 1:38 Mawu Ofanana

Nosp̃en nga M̃irres se Iesu Kristo nga Luk Muli 10:39

Ko vinnen tasin san nisen ewaji Merri. Ko Merri nen evini ko elik ngatan ji Iesu morie b̃elan, ko omurrarrong nale se Iesu nir.

Nosp̃en nga M̃irres se Iesu Kristo nga Luk Muli 14:25

Delung jinibb nga milep arvijuri suri Iesu. Ko Iesu erieni lweni emtenir, ko owrai tevi nir owra

Nosp̃en nga M̃irres se Iesu Kristo nga Luk Muli 15:20

Ko ni otur imare ko evel, pivini ji tata sen e. “Ko daron nga mivel ngasu malum mivini, ko tata sen elesi. Ko orrorrmi temijpale. Ko owlu tersele ko pa, evan ko erake totoni, ko orromji.

Nosp̃en nga M̃irres se Iesu Kristo nga Luk Muli 19:5

Ko daron nga Iesu mivel vini mumomsawose lat nen, ko esarrerr imare emteni, ko owrai tevi owra “Sakias, kupsaro pingavil, kupjubbul vini ngatan e. Suri nga lelingen inu b̃elik renge loloim som.”

Nosp̃en nga M̃irres se Iesu Kristo nga Luk Muli 22:61

Ko Numal erieni ko oklu emteni Pita. Ko Pita orrorrmi sweri nale se Numal nga muwrai womu pae tevi, nga muwrai mirpel, “Lelingen kobbong, renge nata mupong nga lelingen, nato setewor pukokrout ko, ko nik kupvilvil ore inu pivatul ko pa pusuw.”

Nosp̃en nga M̃irres se Iesu Kristo nga Luk Muli 8:38

Ko m̃er nga nem̃in nga marsij marivare lingi ongoni tevi Iesu nga poro nga ni piptevi ni. Ko Iesu okoni lweni owra

Nosp̃en nga M̃irres se Iesu Kristo nga Jon Muli 1:37

Daron nga jinibb sen nuru morunge nga muwrai mirpok tevi nuru, ko orlingi tweni Jon otur jer ko orvijuri suri Iesu.

Nosp̃en nga M̃irres se Iesu Kristo nga Jon Muli 1:39

Iesu owrai lweni tevi nuru, “Koporini koporlesi.” Ko nuru orvijuri, oran orlesi lat nga m̃ilik e. Ko orlik tevi ni ie, suri nat erivriv pa, erpe pirpe mete nial ivij.

Nosp̃en nga M̃irres se Iesu Kristo nga Jon Muli 1:49

Ngok Nataniel owrai lweni tevi, “O, jinibb nevisvisenien, nik kuvi Atua natun mawos, kuvi Numal se m̃eri Isrel nir!”

Nosp̃en nga M̃irres se Iesu Kristo nga Jon Muli 12:21

Lartul nen arini ji Pilip, m̃eri Betsaeta ne Galili, ko arwerai tevi “E m̃erel, nammerreni nablesi Iesu.”

Nosp̃en nga M̃irres se Iesu Kristo nga Jon Muli 18:4

Ko Iesu orongwose sev nga piplari renge ni; ko evel mawose nir van womue ko osusi tevir, owra “Kampej isi ko?”

Nosp̃en nga M̃irres se Iesu Kristo nga Jon Muli 18:7

Ko Iesu osusi lweni kele tevir, “Kampej isi le?” Ko nir arwera “Nampej Iesu ne donasret.”

Nosp̃en nga M̃irres se Iesu Kristo nga Jon Muli 3:2

M̃ernen mawos evini silveni ji Iesu renge natamupong san. Ko owrai tevi, “Jinibb nevisvisenien, kem namrongwose nik kuvi jinibb nevisvisenien nga kumiel ji Atua vini, suri sete san orongwose puloli nelesien ngel nir nga nik kumlolir ngel, poro nga Atua sete piptevi ni.”

Nosp̃en nga M̃irres se Iesu Kristo nga Jon Muli 3:26

Mian ko arini ji Jon arwerai tevi, “Jinibb nevisvisenien, kuplesi m̃er nga bonevis nga miptevim nga iokwan renge devje nuwi seser van luwi Jortan nga e, nga nik kumrij sen. Ni le ngel mok-paptaes jinibb nir renge nuwi seser. Jinibb p̃etp̃eti arinini jin.”

Nosp̃en nga M̃irres se Iesu Kristo nga Jon Muli 4:31

Renge daron nen jinibb sen nir arveruse ni, arwera “Numal, kupini mun kup̃aan sopon.”

Nosp̃en nga M̃irres se Iesu Kristo nga Jon Muli 6:25

Daron nga delung martor sweri ni renge devje nuwito e, ko arwerai tevi, “Jinibb nevisvisenien, kuvini iel e seveling le?”

Majingen se Aposol Nir 10:21

Pita ojubbul, ean ngatan e, ko owrai tevir owra “Inu nen le nga kamok-peje inu. Suri sev kampej inu?”

Majingen se Aposol Nir 10:29

Niko ololi daron nga kamverus nga bevinuk, ko sete nuloli kele nale san, ko nutur imera ko pa ko nuvini. Ko nuwra bosusi tevi kami, kamverus inu suri sev ko?”