Hechos 9:38 - Tzotzil San Andres

³⁸ Li Jopee nopol xil sbaic schiꞌuc li jteclum Lidae. Li buchꞌutic yichꞌojic ta mucꞌ li Cajvaltic li te ta Jopee, iyaꞌiic ti te oy ta Lida li Pedroe. La staquic batel ta ora chaꞌvoꞌ viniquetic yoꞌ chba yiqꞌuic talel li Pedroe. Jech cꞌot yalbeic: ―Batic la ta ora te ta Jope ―xutic cꞌotel li Pedroe.

Tzotzil Zinacantan

³⁸ Li Jopee nopol xil sba xchiꞌuc Lida. Ti muchꞌutic yichꞌoj ta mucꞌ Cajvaltic Jesús ta Jopee, iyaꞌiic la ti tey ta Lida li Pedroe. Istaquic la echꞌel chaꞌvoꞌ vinic, ba la yiqꞌuel tal li Pedroe. ―Batic la ta Jope ―xꞌutat la cꞌotel li Pedroe.

Bible in Tzotzil de Chamula

³⁸ Ti jteclum Jopee, nopol xil sbaic xchi'uc ti jteclum Lidae ti bu oy ti Pedroe. Laj ya'iic ti jch'unolajeletic ti tey oy ti Pedroe. Laj staquic batel cha'vo' viniquetic ti xi ac'o yalbeique: “Mu xajaliltas aba, la' no'ox ta anil ta Jope.”

Bible in Tzotzil de Chenalhó with Deuterocanon

³⁸ Li Jopee noch' no'ox xil sbaic xchi'uc li lum Lidae. Li jch'unolajeletic te ta Jopee laj ya'yic ti te oy ta Lida li Pedroe, jech la staquic batel chib viniquetic yu'un bat svocoltaic tal. “Avocoluc, batic la ta ora te ta Jope”, xutic c'otel.

Tzotzil de Huixtán

³⁸ Ti jteclum Jopee nopol xil sbaic xchi'uc ti jteclum Lidae. Hech yu'un ti jch'unojeletique te ti Jopee, c'alal laj ya'yic ti te oy ti Lida ti Pedroe, laj staquic batel cha'vo' viniquetic. Ba yiq'uic tal. ―La' la me ti ora yo' bu nacaluntutic ―xchiic c'otel.

Hechos 9:38 Mawu Ofanana