Hechos 4:31 - Tzotzil San Andres

³¹ Cꞌalal ilaj yoꞌonic ta stael ta naꞌel Diose, iyaꞌiic scotolic inic li na li yoꞌ bu tsobolique. Itsatsubtasbatic sjol yoꞌon scotolic yuꞌun li Chꞌul Espíritue. Jaꞌ yuꞌun jamal laj yalic echꞌel li scꞌop Diose.

Tzotzil Zinacantan

³¹ Ti cꞌalal laj scꞌoponic ti Cajvaltique, xvuyvon xa la iyaꞌiic scotolic ti na yoꞌ bu tsobolique. Itsatsubtasbat la yoꞌonic scotolic yuꞌun ti Chꞌul Espíritue. Muc la xicta sbaic, jamal la iyalic aꞌyuc ti cꞌusi yaloj ti Cajvaltique.

Bible in Tzotzil de Chamula

³¹ C'alal laj yo'ntonic ta c'opojel ti'inele, tsots nic ti bu stsoboj sbaic ti jch'unolajeletique. Scotol ventainbil c'otic yu'un ti Ch'ul Espiritue. Oy yip yo'ntonic ta yalel batel ti sc'op Diose.

Bible in Tzotzil de Chenalhó with Deuterocanon

³¹ C'alal ilaj yo'ntonic ta sc'opanel Diose, inic li na yo' bu tsobolique. Scotolic inoj ta yo'ntonic stsatsal li Ch'ul Espiritue. Jech jamal laj yalic batel li sc'op Diose; mu'yuc xi'el laj ya'yic.

Tzotzil de Huixtán

³¹ C'alal laj yo'ntonic laj sc'oponic Dios, inic laj ya'yic yo' bu stsoboj sbaique. Scotolic inoj ti yo'ntonic ti Ch'ul Espíritue. Hech itsatsub yo'ntonic, hech jamal laj xcholbeic ti sc'op ti Diose.

Hechos 4:31 Mawu Ofanana