2 Corintios 5:10 - Tzotzil San Andres

¹⁰ Yuꞌun jcotoltic ta jujuntal chquichꞌ jtojoltic mi ipas cuꞌuntic li cꞌusi lijyalbutic li Cajvaltic li cꞌalal lijꞌechꞌ liꞌ ta balumile. Li cꞌu sba la jpastique jaꞌ jech chquichꞌ jtojoltic.

Tzotzil Zinacantan

¹⁰ Ti Cristoe ta jujuntal chiyalbotic mi ijchꞌuntic scotol li cꞌusi liyalbotique, o mi muc bu ijchꞌuntic scotol cꞌalal liꞌotic ta sba balamile. Jaꞌ yech chistojotic yaꞌel ti cꞌu xꞌelan liꞌechꞌotique.

Bible in Tzotzil de Chamula

¹⁰ Yu'un jcotoltic ta xc'ot jva'an jbatic ti bu ta xchapanvan ti Cristoe yo' jech ta xquich'tic ti c'usi ta xij'ac'batotic ta jujun tale, ja' ti c'u s'elan laj xa jpastique, mi lec, mi chopol.

Bible in Tzotzil de Chenalhó with Deuterocanon

¹⁰ Yu'un jcotoltic persa chc'ot jva'an jbatic yo' bu chchapanvan li Cristoe. Yu'un jech ta jujuntal chc'ot quich'tic li stojol cabteltique, me lec, o me chopol, ja' ti c'u x'elan la jpastic xchi'uc li jbec'taltic ti sna' xlaje.

Tzotzil de Huixtán

¹⁰ Yu'un jcotoltic chc'o jva'an jbatic ti stojol ti Cristoe yu'un hech chixchapanucutic ti c'u che'el nij'abtej xchi'uc ti jbec'taltique, mi lec, mi mu lecuc.

2 Corintios 5:10 Mawu Ofanana