Zefania 3:5 - Tshwa Bible

⁵ Jehova i lulamile xikari ka wona, a nga mahi kubiha; mixo ni mixo i humesa a nongameto wakwe kubaseni, a nga tindeki; kanilezi a vakubiha a va tivi tingana.

Zefania 3:5 Mawu Ofanana

Genesisi 18:25

Ngha lezo zi nga hi ka wena a ku maha lezo, a ku lovisa valulamileko ni vangalulamangiko. A mulamuli wa tiko a nga ta tsema timhaka hi nongameto ke?

Joba 34:10

Hikwalaho zwanani mina, nwina vanhu va kupimisisa! A kubiha ku le kule na Nungungulu, Ni kugoha a ku kona ka Nyamintamu. Deut. 32:4; Rom. 3:5

Joba 7:18

Ni lezaku wena u mu enzela mixo ni mixo, U mu ringa xontlhe xikhati ke?

Joba 8:3

Nungungulu wa zi kota ku hunzula nongameto ke? Nyamintamu wa zi kota ku hunzula kululama ke? Deut. 32:4

Tisimu 145:17

Jehova i lulamile tindleleni takwe tontlhe, I na ni tipswalo mitirweni yakwe yontlhe.

Tisimu 37:6

I ta wonekelisa a kululama ka wena khwatsi hi kuwonekela, Ni fanelo ya wena kota laha munwini.

Tisimu 92:15

Kasi ku kombisa lezaku Jehova i lulamile, Hi yena ribye ga mina, cima a nga na kubiha. Deut. 32:4; Zef. 3:5

Isaya 12:6

Kanyulukani, mu kwanguluka, nwina vaaki va Zioni, Hakuva ngwa hombe a Basileko wa ka Israeli xikari ka nwina.

Isaya 28:19

Zikhati zontlhe loku a ntalo wu hunza wu ta mu khoma, Hakuva mixo ni mixo wu ta hunza, hlikanhi ni wusiku; Mu ta gonza hi ku dzukiswa ntsena.

Isaya 33:2

Jehova, ngha u hi ni wuxinji ka hina! Hi ku langutele. Ngha uva muvuni wa hina ka siku ginwe ni ginwani; Ni muhanyisi wa hina zikhatini za zikarato.

Isaya 45:21

Tshawutelani mhaka, mu yi humesa, A va xuxe khatiginwe. Himani a nga vumba lezi zilo hi kaleloko, A zi byeletela hi mahlweni? A hi mina Jehova ke? A ku na munwani Nungungulu ahandle ka mina, Hi mina nzoce Nungungulu a lulamileko, tlhelo Muhanyisi.

Isaya 50:4

Hosi Jehova i nzi nyikile a lirimi la mupizani, Kasi nzi ta zi kota ku tangalisa loyi a kareleko; Gica ni mixo a! vuxa a ndleve ya mina, A yi vuxa lezaku nzi ingisa kota mupizani.

Jeremia 21:12

Nwina yindlu ya ka Davida, Jehova i ngalo: Lamulani hi kululama na ga hi mixo; mu ponisa loyi a phangiwako mandleni ya loyi a mu tsimbeketako; kasi a zanga ya mina yi nga vuri kota nzilo, yi hisa lezaku ku vumaleka ni mutimeli, zi maha lezo hi kota ya kubiha ka zimaho za nwina.

Jeremia 3:3

Hikwalaho a tivula ti beletelwe, Zonake a vula yo ranga a yi nangi; Kanilezi a ximombo xa wena xi wa hi xa xibhayi, Lezaku u nga vumeli kuzwa tingana. Deut. 11:16; Ezek. 3:7

Jeremia 6:15

Xana va zwile tingana loku va mahile manyala ke? Kokwihi, a va zwangi tingana, Ne, a va tivi ku koyama tingana. Hikwalaho va tawa zinwe ni vanwani; Va tawa a xikhati nzi va tsavisako, ku wula Jehova.

Jeremia 8:12

Va wa hi ni tingana hilezi va nga tirile manyala ke? A va na tingana, hambu ku pima lezaku xini ku wiswa tingana! Hikwalaho va tawa zinwe ni lava va wako: A xikhatini xa kutsayiswa kabye va ta khunguvanyeka, ku wula Jehova.

Mikosi 3:23

Gi tlhela gi hi giswa mixo ni mixo, A kutsumbeka ka wena ka hombe.

Ezekieli 18:25

Nwina muku: A ndlela ya Jehova a yi lulamangi. Zwanani nwina va yindlu ya ka Israeli! A yi lulamangi a ndlela ya mina ke? a hi leti ta nwina ti nga lulamangiko ke?

Ezekieli 48:35

Ku renzelekela kontlhe ku tava 18,000 wa mikono. A kusukela siku lego a vito ga muti gi tava: Jehova i kona laha. Tis. 68:16; Isa. 60:14

Hosea 14:9

Himani a tlharihileko, a zi kotako ku pima lezi zilo ke? Loyi a khunguhileko i ta zi pima, hakuva a tindlela ta Jehova ti lulamile, lava va lulamileko va ta famba ha tona, kanilezi a vahambunyeti va ta khunguvanyeka ka tona. Deut. 10:12; Isa. 8:14

Hosea 6:5

Hikwalaho nzi va tlhavile hi vaprofeti, nzi va dele hi timhaka ta nomu wa mina; a kulamula ka mina ku khwatsi kuwonekela loku ku humako.

Mika 3:11

A tihosi ta kona ti lamula hi ku xavelelwa, a vapristi va kona va gonzisa hi ku fela nzhiho, a vaprofeti va kona va vumbela mali: kanilezi va ti seketela ha Jehova, vaku: Kasi Jehova a nga xikari ka hina ke? a kubiha a ku na ku hi wela!

Mika 7:9

Nzi ta rwala a zanga ya Jehova, hakuva nzi mu onhele, a kala a yimela a mhaka ya mina a nzi lamula. I ta nzi humesela kuwonekeleni, nzi wona a kululama kakwe.

Habakuka 1:3

Hiyini u nzi kombisako kubiha, u nzi wonisa hlokiselelo? Hakuva a kuphanga ni tihanyi zi le mahlweni ka mina; ku na ni timholova, ku vuka ni kukanetisana.

Zefania 2:1

Tsombanani, mu ti alakanyela, nwina tiko gi nga hiko na tingana,

Zefania 3:13

A misalela ya ka Israeli yi nga ta ha goha, yi nga ta hemba mawunwa, ge hambu lirimi la ku khohlisa li nga ta kuva kona milonwini yabye. Hakuva va taga, va etlela hi kurula, a nga hi kona a va dzuxako. Joba 11:19; 1 Joh. 5:18

Zefania 3:15

Jehova i susile mitsayiselelo ya wena, i hlongole a valala va wena; a hosi ya Israeli, yena Jehova, i lomu xikari ka wena, u nga ta ha chava kubiha kambe.

Zefania 3:17

Jehova a Nungungulu wa wena, i lomu xikari ka wena, i nhenha leyi yi hanyisako. I ta ku tsakela hi zigingi, a miyela liranzweni lakwe, a ku tsakela hi tisimu.

Zakaria 2:5

Hakuva mina, ku wula Jehova, nzi tava a ligingisi la nzilo lowu wu ta nga gi bhiyela, nziva kungangamela xikari ka gona.

Zakaria 9:9

Tsaka nguvu, nhanyana wa le Zioni! Bana mikulungwani, wena nhanyana wa le Jerusalema. Languta, a hosi ya wena yata ka wena. I lulamile, i na ni kuhlula; ngwa ku ti koramisa, i khilele a mbongola, a role ga pswele ga mbongola. Isa. 12:6; Mat. 21:5; Joh. 12:15

Luka 12:2

A ku na xilo xi fenengetilweko, xi ta nga kala ku funungulwa, ni lexi xi fihlilweko xi ta nga kala ku tibyiwa. Xip. 8:17; Mat. 10:26; Mar. 4:22

Va le Roma 2:5

Hi kunonoha ka mbilu ya wena leyi yi nga hunzulukiko u ti vekela zanga a sikwini ga zanga, laha ku ta nga wonekeliswa a kulamula ku lulamileko ka Nungungulu, Jak. 5:3

Va le Roma 3:26

lezaku a kululama kakwe ku wonekeliswa xikhatini xa makunu, kasi a kumeka na a lulamile, ni lezaku a hlayela kululama loyi a kholwako ka Jesu.

1 Va le Korinte 4:5

Hikwalaho mu nga lamuli nchumu hi xihatla, yi kala yita Hosi; leyi yi ta nga humesa kubaseni a zilo zi fihlilweko za munyama, yi wonekelisa a makungo ya timbilu; zonake munwe ni munwani i ta kuma hi ka Nungungulu a kudzunziwa loku ku mu ringeneko. Mat. 7:1; Rom. 2:29; 2 Kor. 5:10; Kuv. 20:12

Deuteronome 23:14

Hakuva Jehova Nungungulu wa wena wa fambafamba xikari ka wugovelo ga wena kasi ku ku ponisa ni ku nyikela valala va wena canjeni ga wena; hikwalaho a wugovelo ga wena gi fela ku tshama na gi basile; kasi Jehova a nga dzuki a wona a zilo zo biha ka wena, ku nga taku a suka ka wena.

Deuteronome 32:4

I Ribye, mitiro yakwe yi mbhelele; Hakuva tontlhe tindlela takwe ti lulamile; I Nungungulu wa kutsumbeka, loyi a nga hiko na kukanganyisa; I na ni wunene, i lulamile.

1 Pedro 1:17

Loku nwina mu mu vitana muku i Dadani, loyi a lamulako munwe ni munwani hi mitiro yakwe, na a nga cuwuki a xiyimo xa munhu, hanyani hi kuchava a xikhati xa kuluvela ka nwina lomu. Deut. 10:17; Rom. 2:11