Zefania 3:4 - Tshwa Bible

⁴ A vaprofeti va wona mbo ti kulisa, va nga tsumbekahgiko; a vapristi va wona va nyenyezisile a wutshamu ga kubasa, va byeketa nayo. Jer. 23:11, 32; Ezek. 22:26

Zefania 3:4 Mawu Ofanana

Isaya 9:15

A hloko hi masingalakati ni vadzunzekileko, Kanilezi a vaprofeti va profetako mawunwa i nkila.

Jeremia 23:32

Ina, nza vukela lava va profetako miloro ya mawunwa, ku wula Jehova, loku va yi hlawutela va hambukisa a vanhu va mina hi mawunwa yabye ni kubyabyatsa kabye. Kasi mina a nzi va rumangi, hambu ni ku va laya; a va vuni nchumu ka lava vanhu, ku wula Jehova.

Jeremia 34:19

va nga tihosana ta ka Juda ni ta Jerusalema, ni tinduna, ni Vapristi, ni vontlhe vanhu va tiko lava va nga hunza hi laha xikari ka role;

Jeremia 5:31

A vaprofeti va profeta mawunwa, ni vapristi va fumela na va layiwa hi vona; hi lezo a vanhu va mina va zi lavako. Kanilezi mu ta maha yini a magunweni ya kona ke? Ezek. 13:6; Mat. 23:1

Jeremia 8:10

Hikwalaho nzi ta nyikela a vasati vabye ka vanwani, Ni masimu yabye ka lava va ta nga ma wutla. Hakuva vontlhe va ti nyiketile kunaveleni, Kusukela ka ntsongwani kala ka wahombe. A vaprofeti ni vapristi vontlhelele va kanganyisa.

Mikosi 2:14

A vaprofeti va wena va ku wonele a miwoniso yi nga nyawuliko ni ya wupumbu, A va tsetsulangi a zigoho za wena, kasi u pona u ngayi wukhumbini; Kanilezi va ku profetele zahava, lezi zi nga ku hambukisa.

Ezekieli 22:26

A vaprofeti va gona va tlulile a nayo wa mina, va nyenyezisa a zilo za mina za kubasa. A va hambanyisi xikari ka leʼzo basa ni za nyalidede, ge hambu ku tivisa a vanhu a kuhambana ku nga xikari ka zilo zi basileko ni lezi zi nga basangiko. Va tsimba mahlo yabye kasi va nga woni a masabado ya mina, zonake nzi nyenyeziswa xikari kabye. Levi 10:10; Jer. 2:8; Zef. 3:4

Ezekieli 22:6

Languta, yinwe ni yinwani ya tihosana ta ka Israeli yi wa halata nkhata lomu ka wena kukotisa a ntamu wa yona.

Ezekieli 44:23

Va ta gonzisa a vanhu va mina a kuhambana ka zilo za kubasa ni za nyalidede, va va maha va tiva a zivi ni zilo zi hlazekileko.

Hosea 9:7

A masiku ya kutsayiswa ma chikele, a masiku ya nchachazelo ma chikele! Israeli i ta zi tiva! A muprofeti i hunzukile xipumbu, a munhu wa moya i hungukile hi kota ya wunyingi ga zigoho za wena ni wukulu ga kuhluwuka ka wena.

Mika 2:11

Loku a munhu a famba hi moya wa kukhohlisa, a hemba wunwa aku: Nzi ta ku profetela hi vinya ni byala, a muprofeti loye i sasekele lava vanhu. Isa. 30:10; Mik. 3:5

Mika 3:11

A tihosi ta kona ti lamula hi ku xavelelwa, a vapristi va kona va gonzisa hi ku fela nzhiho, a vaprofeti va kona va vumbela mali: kanilezi va ti seketela ha Jehova, vaku: Kasi Jehova a nga xikari ka hina ke? a kubiha a ku na ku hi wela!

Malaki 1:6

A mufana i fanele ku dzunza a raru wakwe, ni xitiri xi ta dzunza a nwinyi wa xona. Makunu loku mina nzi hi raru, gi kwihi a wudzunzo ga mina? Ni loku nzi hi nwinyi, ku kwihi a kuchabyiwa ka mina? ku wula Jehova wa tiyimpi ka nwina vapristi, mu kanyisako a vito ga mina. Mu ngalo: Hi kanyisile a vito ga wena hi yini? Ekso. 20:12

Malaki 2:7

Hakuva a milomu ya mupristi yi fanele ku hlayisa a wutivi, a nayo wu ta labyiwa nonwini wakwe, hakuva hi yena ntsumi wa Jehova wa tiyimpi: Hag. 1:13; 1 Kor. 5:20

Malaki 2:8

Kanilezi nwina mu hambukile; hi kugonzisa ka nwina mu khunguvanyisile vanyingi; mu wonhile a xivumelwano xa Levi, ku wula Jehova wa tiyimpi.

Mateu 7:15

Chavani a vaprofeti va mawunwa, lava va tako ka nwina na va ambele a tinguwo ta tiyivu, kanilezi timbilwini tabye va hi timhisi leti ti pamako. Deut. 13:3; Jer. 23:16; Rom. 16:17

2 Va le Korinte 11:13

Hakuva a vakunghahi mbapostoli va mawunwa, zitiri zi khohlisako, va ti maha wutsumbu gabye a kuva vapostoli va Kristu.

1 Johani 4:1

Varanzekako, mu nga kholwi mimoya yontlhe, kanilezi hlotani a mimoya mu tiva loku yi huma ka Nungungulu; hakuva a vaprofeti vanyingi va mawunwa va la suga fenemete laha tikweni. Jer. 29:8; Mat. 24:24; Kuv. 2:2

Kuvululelwa 19:20

A xihari xi lo khomiwa zinwe ni muprofeti wa mawunwa, loyi a nga maha zirewukiso mahlweni ka xona, lezi a nga khohlisa ha zona lava va nga wa amukele a xifungo xa xihari, ni lava va nga khozela a xifananiso xa xona; hi wumbiri gabye va lo hoxwa na va ha hanya lomu tiveni ga nzilo legi gi vurako hi solufa. Dan. 7:11; Xip. 13:12; 14:10; 16:13

Valamuli 9:4

Va lo mu nyika 70 wa maxekeli ya siliva va nga teka lomu ndlwini ya Baali-Berite, a xava ha wona vanyamijiri va mahanyela ma nga nyawuliko, va mu lanzela.

1 Samueli 2:22

Makunu Eli i wa khosahele nguvu. I lozwa zontlhe lezi a vana vakwe va nga wa zi maha ka vontlhe vaIsraeli, ni lezaku va etlela ni vavasati lava va tirako laha nyangweni ya tenda ga mutlhangano.