Zefania 3:19 - Tshwa Bible

¹⁹ A xikhatini lexo nzi ta tlhelisela vontlhe lava va ku hlokisako; nzi ta hanyisa lava va khwitako, nzi tsombanyisa lava va hlongolweko, nzi ta va nyika wudumo va khesiwa, lava a tingana tabye ti nga no fenemete misaveni yontlhe.

Zefania 3:19 Mawu Ofanana

Isaya 26:11

Jehova, a canja ga wena gi na ni ntamu, kanilezi a va zi woni, Va ta wona a kupangama ka wena hi vanhu va wena, vava ni tingana; A nzilo wu ta hisa valala va wena.

Isaya 33:1

Khombo ka wena loyi u onhako na cima wena u nga onhiwangi; Wena muphangi, loyi u nga phangiwangiko; Loku u mbhetile ku onha, u ta onhiwawu, Ni loku u mbhetile ku phanga, u ta phangiwawu!

Isaya 60:14

A vana va vaxanisi vawena va tata ka wena va ku koramela, Ni vontlhe lava va nga ku nyenya va ta ku khizamela mikonzweni ya wena, Va ta ku vitana lezaku u Muti wa Jehova, A Zioni wa Loyi a Basileko wa ka Israeli.

Isaya 60:18

A tihanyi ti nga ta ha zwiwa lo mu tikweni ga wena, A kuhahlulwa ni kulobyiswa zi nga tava kona tikweni ga wena, Kanilezi u ta vitana a tigingisi ta wena lezaku Kuhanyiswa, Ni tinyangwa ta wena lezaku Kudumisa.

Isaya 61:7

Wutshanwini ga tingana ta nwina mu ta aveliwa ha kambiri; Lava va nga nyenyiwa va ta tsakela xiavelo xabye. Hikwalaho lomu tikweni gabye va ta kuma leʼzi wuyetilweko ha kambiri, Va tava ni litsako la pinzukelwa.

Isaya 62:7

Mu nga mu tsiki a humula Kala a vuxa Jerusalema, a gi maha gi dzunzeka misaveni. Lu. 18:1

Jeremia 30:16

Vontlhe lava va ku khadamulako va ta khadamulwawo, Ni vontlhe a valala va wena va ta yiswa wukhumbini, Lava va ku phangako va ta phangiwawo, Ni lava va ku wutlelako va ta wutlelwawo.

Jeremia 30:19

Ku ta huma kona a kukhesa ni magezu ya litsako; Nzi ta va anzisa, va nga hunguleki; Nzi ta va kulisa, va nga ta ha kanyiswa.

Jeremia 31:8

Nzi ta va wuyisa hi le tikweni ga Nwalungu, Nzi va tsombanyisela hi le magemeta-musi ya misava; Zinwe navo ku ni zikhumu ni zilema, A va tinyimba ni loyi a ha lunwako; Va ta wuya na va hi xidlemo xa hombe.

Jeremia 33:9

A muti lowu wu tava litsako ni wudzunzo ni wudumo ka mina mahlweni ka tontlhe a tixaka ta misava, leti ti ta ngazwa wunene gontlhe nzi ta nga va mahela; ti ta chava ni ku rurumela hi kota ya gontlhe a wunene ni kuvuvuma kontlhe nzi to va mahela kona.

Jeremia 46:28

U nga chavi wena Jakobe, nanza ga mina, ku wula Jehova; Hakuva nzi zinwe na wena. Hakuva nzi ta mbhetisa wontihe a matiko Lawa nzi ku hangalasileko ka wona, Kanilezi wena nzi nga ta ku mbhetisa; Nzi ta ku laya hi nongameto, A nzi zi koti ku ku tsika na u nga biwangi.

Ezekieli 16:27

Hikwalaho nzi nawulutile a canja ga mina hehla ka wena, nzi hungule a kuga ka wena, nzi ku nyikela kuranzeni ka valala va wena, va nga vanhwana va maFilistia, lava va nga hi ni tingana hi kota ya hanyela ga wena go nyenyeza. Vala. 13:1; 1 Sam. 4:1

Ezekieli 16:57

hi mahlweni a kubiha ka wena na ku nga se tibyiwa, laha u nga hlekiwa hi vanhwana va le Siria, ni vontlhe lava va ku ranzeleko, a vanhwana va maFilistia lava va nga ku tseketsela matlhelo wontihe. 2 Tih. 15:37; 2 Kro. 28:18

Ezekieli 34:16

Nzi ta lava leyi yi nga lahlekile, nzi wuyisa leyi yi nga pengisilwe, nzi bohelela leyi yi tshobyilweko, nzi tiyisa leyi yi babyako. Kanilezi nzi ta lovisa leti ti nonileko ni ta ntamu; nzi ta ti risa hi nongameto.

Ezekieli 39:13

Vontlhe vanhu va tiko va ta va lahla; ku tava wudzunzo ka vona hi siku lego nzi ta nga dumisiwa ha gona, ku wula Hosi Jehova.

Ezekieli 39:26

Va ta rivala a tingana tabye ni zihambunyeto zabye lezi va nzi maheleko, laha va ta nga aka hi kurula tikweni gabye, a ku na munhu a ta nga va dzuxa.

Mika 7:10

A valala va mina va ta zi wona, vawa tingana, lava va nge ngalo: I kwihi Jehova a Nungungulu wa wena? A mahlo ya mina ma ta tsaka a kuwoneni kabye, hakuva va ta kanzihelelwa khwatsi i nzhope ya lomu tindleleni.

Zefania 3:15

Jehova i susile mitsayiselelo ya wena, i hlongole a valala va wena; a hosi ya Israeli, yena Jehova, i lomu xikari ka wena, u nga ta ha chava kubiha kambe.

Zakaria 8:23

Jehova wa tiyimpi i ngalo: Masikwini lawo khume ga Vavanuna va tirimi ti tsalangeneko ta matiko, va ta khomelela nzhungweni wa nguwo wa muJuda, vaku: Hi ta famba na nwina, hakuva hi zwile lezaku Nungungulu i na nwina.

Deuteronome 26:19

lezaku yena i ta ku tlakusa hehla ka matiko wontihe lawa a ma mahileko, a ku nyika wudumo, ni vito, ni wudzunzo, muva vanhu va basileko va Jehova Nungungulu wa wena, khwatsi hi lezi a wulileko. Jer. 13:11; 33:9; Zef. 3:19

Maheberu 12:13

lulametani a tindlela ta mikonzo ya nwina, lezaku lexi xi khwitako xi nga khuyuki, kanilezi xi hanyiswa. Mav. 4:26; Gal. 6:1

Kuvululelwa 20:9

Va makanya livaleni la misava, va ranzela a wugovelo ga vobasa, ni muti lowu wu ranzekileko; kanilezi kuwa nzilo hi le tilweni wu va khadamula. Ezek. 38:9, 16

Valamuli 1:7

Adoni-bezeki aku: 70 wa tihosi, laha ti nga wa tsemilwe titiho ta tona ta hombe ta mandla ni ta mikonzo, ti wa rolela matlhatlha lahasi ka meza ya mina. Nungungulu i nzi tlhelisela zimaho za mina. Vona va lo mu yisa le Jerusalema, laho a nga ya fela kona. Ekso. 21:23