Zefania 3:17 - Tshwa Bible

¹⁷ Jehova a Nungungulu wa wena, i lomu xikari ka wena, i nhenha leyi yi hanyisako. I ta ku tsakela hi zigingi, a miyela liranzweni lakwe, a ku tsakela hi tisimu.

Zefania 3:17 Mawu Ofanana

Genesisi 1:31

Nungungulu i lo wona zontlhe a nga maha; languta, zi wa sasekile nguvu. Gi lohlwa, gica, kuva siku ga wuntlhanu ni ginwe.

Genesisi 17:1

Laha Abrama a nga hi ni 99 wa malembe, Jehova i lo woneka ka Abrama, aku ngalo kakwe: Hi mina Nungungulu wa Ntamu wontihe; famba mahlweni ka mina na u longamile.

Genesisi 18:14

Kasi xi kona xilo xi tsanzako Jehova ke? Hi xikhati xi yimisilweko nzi ta Wuya kambe ka wena ha nwakani, Sara i tava ni nwanana. Lu. 1:37

Genesisi 2:2

Hi siku ga wuntlhanu ni mambiri Nungungulu i wa gumesile mitiro yontlhe leyi a nga wa yi mahile: i lo humula hi siku ga wuntlhanu ni mambiri mitirweni yakwe yontlhe leyi a nga yi mahile. Ekso. 20:11; Maheb. 4:4

Tisimu 147:11

Jehova wa xalaliswa hi lava va mu chavako, Lava va tsumbako wuxinji gakwe.

Tisimu 149:4

Hakuva Jehova i xalele hi vanhu vakwe, I bombisa a vakurula hi kuhanyisa kakwe.

Tisimu 78:65

Zonake a Hosi yi lo khindlimuka khwatsi yi wa hi kuetleleni, Khwatsi hi nhenha yi kanyulukiswako hi byala.

Isaya 12:2

Langutani, Nungungulu hi kuhanyisa ka mina, Nzi ta tsumba, nzi nga chavi nchumu; Hakuva Jehova Jehova hi ntamo wa mina ni lisimu la mina; Hi yena a nzi hanyisileko.

Isaya 12:6

Kanyulukani, mu kwanguluka, nwina vaaki va Zioni, Hakuva ngwa hombe a Basileko wa ka Israeli xikari ka nwina.

Isaya 18:4

Hakuva Jehova i nzi byelile, aku: Nzi ta rula, nzi cuwuka na nzi hi lomu ndlwini ya mina, Khwatsi hi mumu wo hisa loku gambo gi cile, Kukotisa a hunguva ya mbhera xikhatini xa ximumu loku ku tshoveliwa.

Isaya 63:1

Himani loyi a tako hi le Edome, Na huma hi le Bozra, a ambeleko tinguwo to pswhuka to khazamula, A fambako hi wukulu ga ntamu wakwe? Hi mina loyi nzi wulawulako hi kululama, nzi nga ni ntamu wa ku hanyisa.

Isaya 63:12

Loyi a nga fambisa a woko gakwe ga wukulu le reveni ga xinene ga Mosi, Loyi a nga avanyisa mati mahlweni kabye kasi ku ti mahela a vito ga pinzukelwa?

Isaya 65:19

Mina nzi ta tsaka hi Jerusalema. Nzi tsakela vanhu va mina; Cima ku nga ta ha zwala ka yena a gezu ga kurila, Hambu gezu ga tihuwa.

Isaya 9:6

Hakuva hi pswalelwe nʼwana, hi nyikilwe a nisanyana, A wuhosi gi vekilwe makatleni yakwe; Yena i ta vitanwa ku Sungukati gi Hlamalisako, Nungungulu Nyamintamu, Dadani wa Pinzukelwa, Hosi ya Kurula. Lu. 1:31; Rom. 8:32; Efe. 2:14

Jeremia 32:41

Nzi ta tangaliswa ha vona, nzi va katekisa; futsi nzi ta va zimeka tikweni legi hi mbilu ya mina yontlhe ni muhefemulo wa mina wontihe. Deut. 30:9

Hosea 14:4

Nzi ta chuma a kutlhelela kabye nzhako, nzi va ranza hi mbilu yontlhe ya mina, hakuva a zanga ya mina yi sukile kabye.

Joeli 2:21

U nga chavi wena tiko! Tsaka u nengela, hakuva Jehova i mahile a zilo za hombe.

Zefania 3:15

Jehova i susile mitsayiselelo ya wena, i hlongole a valala va wena; a hosi ya Israeli, yena Jehova, i lomu xikari ka wena, u nga ta ha chava kubiha kambe.

Zefania 3:5

Jehova i lulamile xikari ka wona, a nga mahi kubiha; mixo ni mixo i humesa a nongameto wakwe kubaseni, a nga tindeki; kanilezi a vakubiha a va tivi tingana.

Mitsengo 14:8

Loku Jehova a xalala ha hina, i ta hi enghenisa ka tiko lego, a gi nyika ka hina, gi nga tiko gi khulungako a masi ni wulombe.

Luka 15:32

Kanilezi zi wa fanele ku va hi tsaka ni ku nengela; hakuva a nakuloni loyi i wa file, kanilezi i tlhelile a hanya; i wa lahlekile, makunu i kumilwe.

Johani 13:1

A mubuzo wa Pasika na wu nga se va kona, Jesu na a zi tiva lezaku a xikhati xakwe xi chikele xa kuva a suka tikweni, aya ka Dadani, lezi a nga ranza a vanhu vakwe lava va nga laha misaveni, i lo va ranza kala kugumesa, Mat. 26:2; Xip. 11:1

Johani 15:11

Nzi mu byelile lezi, kasi a kutsaka ka mina ku fela ku tshama ka nwina, ni lezaku a kutsaka ka nwina ku mbhelela. 1 Joh. 1:4

Deuteronome 23:15

Wena u nga nyikeli a khumbi ka nwinyi wa yona leyi yi tsutsumeleko ka wena, yi chava ka nwinyi wa yona;

Deuteronome 30:9

Na Jehova Nungungulu wa wena i ta anzisa makatekwa ya wena ka yontlhe mitiro ya mandla ya wena, i ta anzisa a pswalo wa miri wa wena, ni pswalo wa zifuyo za wena, ni mihanzu ya misava ya wena; hakuva Jehova i ta tlhela a tsaka ha wena a ku katekisa, khwatsi hi lezi a nga wa tsakile hi vararu va wena;

Maheberu 7:25

Hi kota ya lezo i na ni ntamu wa ku hanyisa hi kumbheleleko vona lava va tshinelako ka Nungungulu ha yena, hakuva wa hanya xontlhe xikhati kasi ku va kombelela.