Zefania 3:12 - Tshwa Bible

¹² Kanilezi nzi ta siya xikari ka wena a vanhu va xanisekako ni vavumali, va ta tsumba a vito ga Jehova.

Zefania 3:12 Mawu Ofanana

Ezra 9:8

Kanilezi makunu Jehova Nungungulu wa hina, i hi kombisile wunene hi xikhatana lexi lezaku a misalela yo kari yi ponile, a hi nyika a wuchavelo wutshanwini gakwe go basa, kala a Nungungulu wa hina a woninga a mahlo ya hina, a hi humuta lomu wukhumbini ga hina.

Tisimu 37:40

Jehova wa va vuna, a va hlangu ta; I va hlanguta ka vakubiha, a va hanyisa, Hakuva va chavele kakwe. Dan. 6:23

Isaya 14:30

A vanyakeke va ta xura, Ni vavumali va etlela hi kurula; Kanilezi nzi ta daya mutsu wa wena hi ndlala, Ni misalela ya wena yi ta lobyiswa.

Isaya 14:32

Va ta hlamula yini ka mitsukano ya maFilistia? Va taku: Jehova i akile xiseketelo xa Zioni, A va tsimbeketilweko xikari ka vanhu vakwe va ta chavela kona.

Isaya 29:19

Lava va kurula va ta tsakela Jehova, Ni vavumali va ta tsakela Loyi wa ku Basa wa ka Israeli.

Isaya 50:10

Himani xikari ka nwina a chavako Jehova, A ingisa a gezu ga nanza gakwe? Loye a fambako munyameni, na a nga hi na kuwonekela, Ngha a tsumba vito ga Jehova, a khegela ka Nungungulu wakwe.

Isaya 6:13

Loku ku sala munwe xikari ka va khume, na yena i ta hunza xikari ka nzilo, khwatsi hi sinya ya munga ni nkanyi, hambu loku yi tsemilwe a xibho xi ta hluka xi humesa matluka. A xibho xa kona xi tava mbewu yi basileko.

Jeremia 17:7

I katekile a munhu loyi a tsumbako Jehova, A wihi a kutsumba kakwe ku nga Jehova.

Jeremia 50:20

A masikwini ya xikhati lexo, ku wula Jehova, a kugoha ka Israeli ku ta labyiwa, kanilezi ku nga ha ta kuva kona; ni zionho za ka Juda zi nga ta kumiwa, hakuva nzi ta rivalela lava nzi ta nga va siya kota misalela.

Ezekieli 6:8

Ahembalokoke, nzi ta siya a misalela leyi yi ta nga pona a supado xikari ka matiko laha mu ta nga hangalaka xikari ka wona.

Mika 5:6

Va ta kaputa a tiko ga Assiria hi supado, ni tiko ga Nimrode kala tinyangweni ta gona. I ta hi tlhatlhisa mandleni ya maAssiria laha a ta nga enghena tikweni ga hina, ni laha a ta nga tlula a mimbhingano ya hina.

Nahume 1:7

Jehova i nene, i khokhola a sikwini ga zikarato; wa va tiva lava va mu tsumbako.

Zakaria 11:11

Laha xi nga tshobyiwe sikwini lego, a tiyivu ti nga nyawuliko ta ntlhambi leti ti nga nzi ingisa, ti lo zi tiva lezaku yi wa hi mhaka ya Jehova.

Zakaria 11:7

Zinghaho nzi lo maha murisi wa ntlhambi wa tiyivu ti to tlhabyiwa, a tiyivu ti wonzileko futsi. Nzi lo teka tinhonga timbiri, a yinwe nzi yi vitana ku Wunene, a yinwani nzi yi vitana ku Kuzwanana; zonake nzi lo risa a ntlhambi.

Mateu 11:5

a zikhumu za tlhela zi wona, a zikhurubu za famba, a tihlokonho ta basiswa, a ziwiri zazwa, a vafileko va vuxwa, ni zisiwana za kanelelwa a mahungu yo saseka. Isa. 35:6; 61:1; Lu. 4:18; Jak. 2:5

Mateu 12:21

A vamatiko va ta tsumba vito gakwe.

Mateu 5:3

Va katekile a zisiwana moyeni, hakuva mufumo wa le tilweni ngwabye. Lu. 6:20

Va le Roma 15:12

Na Isaya i ngalo: Ku ta baleka ximilwa mutswini wa ka Jese, Loyi a ta ngata ku ta fumela a vamatiko; A vamatiko va ta tsumba ka yena. Isa. 9:6, 7; 11:1; Kuv. 5:5; 22:16

Jakobe 2:5

Ingisani, vamakabye va mina va ranzekako; Xana Nungungulu a nga hlawulangi lava va vumalako hi za tiko, lezaku vava lava va fumileko kukholweni, ni kuva zigatshomba ya mufumo lowu a wu tsumbisileko vona lava va mu ranzako ke? Ekso. 20:6; Joh. 7:48; Kuv. 2:9

1 Pedro 1:21

Lava mu kholwako ka Nungungulu hi kota ya yena, loyi a nga mu vuxa hi ka vafileko, a mu nyika kungangamela, kasi a kukholwa ka nwina ni kutsumba ka nwina kuva ka Nungungulu. Miti. 2:24; Fil. 2:9