Zefania 3:1 - Tshwa Bible

¹ I khombo ka muti lowu wu ti alisako, loʼwo nyenyeza, a ka muti wa vatsimbeketi!

Zefania 3:1 Mawu Ofanana

Isaya 30:12

Hikwalaho a Wa ku Basa wa ka Israeli e ngalo: Kota lezi mu kanyisako a mhaka leyi, mu tsumba kutsimbeketa ni kubiha, mu namarela ka zona,

Isaya 5:7

Hakuva a xivina xa Jehova wa tiyimpi hi yindlu ya ka Israeli, Ni vanhu va ka Juda xibyalo xakwe a tsakako ha xona. I wa cuwukele nongameto, kanilezi i lo kuma kuhalatiwa ka nkhata, A cuwukela kululama, kanilezi a kuma tihuwa ta kuxaniseka.

Isaya 59:13

Hi hambukile, hi ala Jehova, Hi tlhelela nzhako hi nga lanzeli Nungungulu wa hina, Hi wulawulile zo tsimbeketa vanwani ni kuhluwuka, Hi alakanyela ni ku wulawula mawunwa timbilwini ta hina.

Isaya 59:6

A wupe gabye a gi vuni ku ma ha tinguwo, A va zi koti ku ti fenengeta hi mitiro yabye; A mitiro yabye mitiro ya kubiha, Ni mitiro ya tihanyi yi le mandleni yabye.

Jeremia 22:17

Kanilezi a mahlo ya wena ni mbilu ya wena zi navela bhinzu ntsena, Ni ku halata nkhata wa loyi a nga hiko na nanzu, U maha hi ku tsimbetela ni tihanyi.

Jeremia 5:23

Kanilezi lava vanhu va nzi hluwukile ni kuva ni mbilu ya wukaneti; va hluwukile va famba.

Jeremia 6:6

Hakuva Jehova wa tiyimpi i ngalo: Tsemani tisinya, mu maha lihlavu la ku bhiyela Jerusalema. Hakuva i muti wu feleko ku tsayisiwa, Wu tele hi kutsimbeketa.

Jeremia 6:7

Kotisa a hlowo yi humesako a mati, Wu humesisa lezo a kubiha ka wona. A kuholova ni kuphanga za zwala ka wona, A wubabyi ni timbanga zi kona mahlweni ka mina.

Ezekieli 22:29

A vanhu va tiko legi vatsimbeketi ni vaphangi; ina, va xanisa a zisiwana ni vavumali, va tsimbeketa a vamatiko ahandle ka fanelo.

Ezekieli 22:7

Lomu ka wena a vararu ni vanyine va kanyiswa, a vamatiko va tsimbeketwa; lomu ka wena ku xaniswa lava va felweko ni tinoni.

Ezekieli 23:30

A zilo lezi zi ta maheka ka wena, hakuva u mahile wuoswi ni vamatiko u ti nyenyezisa hi zifananiso zabye.

Levi 1:16

I ta susa a felelo ni chaka ga kona, a zi hoxa laha taleni, kusuhani ni alati, hi tlhelo ga Mutsuwuka-gambo.

Amosi 3:9

Banani nyiwo lomu ziluvelweni za le Axdode, ni lomu ziluvelweni za tiko ga Gipite, muku: Tsombanani le xitsungeni za Samaria, mu ta wona a pfilupfilu ya hombe yi nga kona lomo, ni hlokiseielo yi nga xikari ka gona.

Amosi 4:1

Zwanani mhaka leyi, nwina tihomu ta le Baxani, ti nga lomu xitsungeni xa Samaria, nwina lava mu xanisako zisiwana, mu tsimbeketako vavumali, mu nge ka vanuna va nwina: Nehani hinwa!

Mika 2:2

Va navela masimu ni tiyindlu, va zi teka; va tsimbeketa a munhu ni yindlu yakwe, ni munhu loyi a nga ni tshomba yakwe. Ekso. 20:17; 1 Tih. 21:1

Zakaria 7:10

Mu nga tsimbeketi a tinoni, ni lava va nga hiko na vabeleki, ni valuveli, ni zisiwana. A mbilu ya munwe ni munwani wa nwina ngha yi nga hi na xikungo xo vukela nakulobye.

Malaki 3:5

Nzi ta tshinela ka nwina a ku ta lamula. Nzi tava kustumunyu yi hatlisako ku vukela zitumbe, ni zibhayi, ni lava va hlambanyako hi mawunwa, ni lava va kanganyisako a xitiri hakhelweni ya xona, ni lava va tsimbeketako tinoni ni zisiwana, ni lava va gohako a mhaka ya muluveli, ni lava va nga nzi chaviko, ku wula Jehova wa tiyimpi. Ekso. 22:21; Levi 19:12; Deut. 14:17