Zefania 2:9 - Tshwa Bible

⁹ Hikwalaho nza hlambanya hi kuhanya ka mina, ku wula Jehova wa tiyimpi, a Nungungulu wa Israeli, Hizinene Moabi i ta fanana ni Sodoma, ni vana va ka Amoni va ta fanana ni Gomora, ku maha a tiko ga mizwa ni marinzi ya munyu, giva xiwula kala kupinzuka. A misalela ya vanhu va mina yi ta va phanga, a misalela ya tiko ga mina yi taga tshomba yabye. Gen. 19:24; Jer. 48:1

Zefania 2:9 Mawu Ofanana

Isaya 11:14

Kanilezi va ta purumela makatleni ya maFilistia le Muhlwa-gambo, Va ta hlasela zinwe a vana va Mutsuwuka-gambo; Va ta khoma Edome na Moabi, Ni vana va Amoni va ta va ingisa.

Isaya 25:10

Hakuva a canja ga Jehova gi ta tlhatekiwa hehla ka xitsunga lexi, Kanilezi Moabi i ta kanzihelelwa laha a nga kona, Khwatsi hi byanyi gi kanzihelwako nzhopeni ya wulongo.

Isaya 49:18

Tlakusa a mahlo ya wena u lunguza: Vontlhe va tsombene, vata ka wena! Khwatsi hilezi nzi hanyako, ku hlambanya Jehova, U ta ti bombisa ha vona khwatsi hi nguwo, U ti ambexa ha vona kota muswika.

Jeremia 46:18

Nza hlambanya hi kuhanya ka mina, ku wula Hosi, Leyi yi tibyako Jehova wa tiyimpi, Hizinene wata, na a fanana ni Tabor xikari ka zitsunga, Aku khwatsi hi Karmeli hi laha bimbini.

Jeremia 48:1

Xungetano na Moabi, Jehova wa tiyimpi, a Nungungulu wa Israeli, i ngalo: Khombo ka Nebo, hakuva i hahlulwe; Kiriataime i wile tingana, i hlulilwe; Misgaba i wile tingana, i khungumulwe.

Jeremia 49:1

Xungetano ni vana va Amoni, Jehova i ngalo: Israeli a nga na vana ke? a nga na xigatshomba ke? Hikuyini Malkamu a fumelako Gadi, a vanhu vakwe va tshama lomu mitini ya kona ke? 1 Tih. 11:5; Ezek. 21:28; Am. 1:13

Jeremia 49:18

Khwatsi hi kuhahlulwa ka Sodoma ni Gomora, ni miti ya kona ya lomu kusuhani, ku wula Jehova, ku nga ha aki munhu kona, ge hambu a nʼwana wa munhu a luvela kona. Gen. 19:24; Jer. 50:40

Jeremia 49:33

Hazora gi tava wutshamu ga mahlolwa, giva xiwula kala kupinzuka. A ku na munhu a ta nga aka lomo, ge hambu a nʼwana wa munhu a ku luvela kona.

Jeremia 50:40

Khwatsi hi xikhati lexi Nungungulu a nga lovisa Sodoma ni Gomora ni miti ya lomu kusuhani, ku wula Jehova, zinghaho a nga kona ni munwe a ta nga aka lomo, ge hambu a nʼwana wa munhu a ku luvela kona.

Amosi 1:13

Jehova i ngalo: Hi kota ya zionho ginharu za vana va ka Amoni, kutani mune wa zona, nzi nga ta susa a xitsayiso; hakuva va hanzulela a vavasati va le Gileade lava va nga ni tinyimba, kasi ku kulisa a tiko gabye.

Amosi 2:1

Jehova i ngalo: Hi kota ya zionho zinharu za Moabi, kutani mune wa zona, nzi nga ta susa a xitsayiso, hakuva i hisile a marambu ya hosi ya le Edome ma kala ma maha mhemba.

Zefania 2:14

A mitlhambi yi ta zumba lomu xikari kakwe, ni lixaka tontlhe ta zihari; a masekwa ni tinungu zi ta etlela lomu timhanzeni ta wona, a gezu ga xikotlwani gi ta zwala lomu tinjhaneleni, zikunguwa zi ta kapama ka zipimbitsi za wona, hakuva i funungule a mapulangu ya tisedare.

Zefania 2:7

Gi tava tiko ga misalela ya ka Juda, va ta risela lomo a mitlhambi yabye. Laha gambyeni va ta etlela tindlwini ta ka Axkeloni, hakuva Jehova a Nungungulu Wabye i ta va alakanya, a tlhelisela a vakhonwi yabye.

Zefania 3:13

A misalela ya ka Israeli yi nga ta ha goha, yi nga ta hemba mawunwa, ge hambu lirimi la ku khohlisa li nga ta kuva kona milonwini yabye. Hakuva va taga, va etlela hi kurula, a nga hi kona a va dzuxako. Joba 11:19; 1 Joh. 5:18

Zakaria 2:13

A nyama yontlhe ngha yi miyela mahlweni ka Jehova; hakuva i vukile wutshanwini gakwe gi basileko. Hab. 2:20; Zef. 1:7

Mitsengo 14:21

Kanilezi hakunene kota lezi nzi hanyako, a kungangamela ka Jehova ku ta tata misava yontlhe.

Va le Roma 14:11

Hakuva ku tsalilwe ku ngalo: Khwatsi hi lezi nzi hanyako, ku wula Hosi, wontihe madzolo ma ta khizama mahlweni ka mina, Ni tirimi tontlhe ti ta dumisa Nungungulu. Isa. 45:23

Deuteronome 29:22

Zonake a zizukulwana za nwina lezi zi ta ngava kona anzhako ka nwina, ni vamatiko lava va ta ngata hi le matikweni ya le kule, laha va ta nga ta wona a zixaniso ni makhombo lawo Jehova a ta nga xanisa tiko lego ha wona,

Deuteronome 29:23

va ta ku ngalo: A tiko ga kona i tiko ga solufa, ni munyu, i tiko gi swileko gontlhe, i tiko gi nga hiko na mbewu ni kuga, a ha ha wuli hi byanyi, a gi mili; gi fanana ni kuvilinganyiswa ka Sodoma ni Gomora, ni Adma ni Zeboime, a miti leyi Jehova a yi vilinganyisileko hi zanga ya khulo gakwe. Gen. 19:24; Hos. 11:8